Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 17

Moisés odesidi oadora Jehovápe

Moisés odesidi oadora Jehovápe

Egíptope, Jacob familiarépe oñehenói vaʼekue israelita. Jacob ha José omano rire, oñepyrũ kuri ogoverna peteĩ Faraón pyahu. Ko Faraón okyhyjeterei umi israelítagui, pórke ohecha káda día hetaveha ohóvo hikuái umi egípciogui. Upévare oreko chupekuéra esklávoramo. Omombaʼapo pohýi chupekuéra ha ojapoka chupekuéra ladríllo. Péro umi egipcio otrata vaivéramo jepe umi israelítape, káda día heta hetave ohóvo hikuái. Faraónpe ndogustaiete upéva ha omanda ojejukapaite hag̃ua umi mitãkuimbaʼe onaséva guive, péro umi mitãkuñaʼíre ndojejapói mbaʼeve. Eñeimahinamína mbaʼeichaitépa oiméne okyhyje raʼe umi israelita.

Peteĩ kuñakarai israelita hérava Jokébed oreko peteĩ mitãʼi iporãitereíva ha ani hag̃ua oiko hese mbaʼeve, haʼe omoñeno imembyʼi peteĩ kanástape ha omokañy pe rrío Nilo oríllape oĩhápe umi kapiʼi yvate. Míriam, pe mitãʼi ermána opyta omaña mombyrymi guive ohecha hag̃ua mbaʼépa oiko iñermanítogui.

Pe Faraón rajy oho ojahu hag̃ua pe rríope ha ohecha pe kanásta. Upéi ohecha oĩha pype peteĩ veveʼi hasẽva hína ha opokoiterei hese upéva. Míriam oporandu chupe: “¿Ndereipotái piko aheka  ndéve peteĩ kuñakarai ikatútava omokambu ha oñangareko ko mitãre?”. Faraón rajy heʼi chupe si, upémarõ Míriam oho ogueru isýpe. Faraón rajy heʼi Jokébedpe: “Erahána ha emongakuaa chéve ko mitã, ha che apagáta ndéve”.

Pe mitã tuichamie rire, Jokébed oraha jey Faraón rajýpe ha haʼe ombohéra chupe Moisés ha omongakuaa chupe imemby teéicha. Moisés oiko vaʼekue Faraón famíliaicha ha orekopaite vaʼekue la oipotáva guive. Upéicharõ jepe haʼe núnka ndahesaráiri Jehovágui. Moisés oikuaa haʼe añetehápe ndahaʼeiha egipcio síno israelita, upévare odesidi oadorataha Jehovápe.

Moisés orekórõ guare 40 áño, odesidi oipytyvõtaha umi israelítape. Peteĩ día, ohecha peteĩ egipcio ombyepoti hína peteĩ israelítape. Upémarõ Moisés hatãiterei oinupã pe egípciope ha ojukaite voi chupe ha upéi ojatypa heʼongue yvykuʼípe omokañy hag̃ua. Pe Faraón oikuaa rire upéva, ojukase Moiséspe, péro haʼe okañy ha oho oiko Madiánpe. Upépe Jehová okuida hese.

“Ojerovia rupi Moisés, tuicha rire ndoipotái vaʼekue ojeʼe hese haʼeha Faraón niéto. Odesidi ikuentaveha ojetrata vai chupe Ñandejára puévlondi” (Hebreos 11:24, 25).