Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 5

Noé ojapo peteĩ árka

Noé ojapo peteĩ árka

Kon el tiémpo hetaitereivéma ohóvo la hénte ko yvy ape ári, ha la majoría iñañaiterei. Oĩ vaʼekue voi ánhel jepe ojapóva ivaíva. Oheja hikuái ilugár yvágape ha ou oiko ko yvy ape ári yvypóraicha. ¿Reikuaápa maʼerãpa ojapo hikuái upéva? Ikatu hag̃uáicha omenda umi kuñataĩre.

Upéi umi ánhel ou ifamília, ha umi ifamiliakuéra imbarete ha iviolentoiterei. Heta mbaʼe vai ojapo hikuái la héntere. Péro Jehová ndaikatúi kuri opermiti heta tiémpore upéva, upémarõ odesidi ohundi umi iñañávape peteĩ dilúvio térã ama guasúpe.

Péro oĩ vaʼekue peteĩ kuimbaʼe idiferentetéva enterovégui. Haʼe ohayhu vaʼekue Jehovápe. Ko kuimbaʼe héra Noé, haʼe oreko hembireko ha tres itaʼýra, umíva hína Sem, Cam ha Jafet ha mbohapyvéva oreko avei hembireko. Jehová omanda Noépe ojapo hag̃ua peteĩ árka, térã peteĩ káha de madéra tuichaitereíva ikatu vaʼerãichagua ovevýi pe y ári. Péicha haʼekuéra ikatúta oike pe árkape ha ojesalva ou vove pe dilúvio. Péro Jehová omanda avei Noépe omoinge hag̃ua umi animalkuéra pe árkape ikatu hag̃uáicha ojesalva.

Ensegída voi Noé ojapo pe árka hembireko ha ifamiliakuérandi, 50 áñorupi oraha chupekuéra otermina hag̃ua. Haʼekuéra ojapo pe árka Jehová heʼi hagueichaite chupekuéra. Noé heta tiémpore oavisa vaʼekue avei umi héntepe outaha peteĩ ama guasu, péro haʼekuéra nopenái hese.

Upéi og̃uahẽ sapyʼa pe día oike hag̃ua hikuái pe árkape. ¿Reikuaasépa mbaʼépa oiko upe rire?

“Oiko haguéicha Noé tiémpope, upéichata avei pe Yvypóra Raʼy oĩ vove” (Mateo 24:37).