Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 87

Jesús ojapo pe última séna

Jesús ojapo pe última séna

Umi hudío ofesteha vaʼekue káda áño pe Páskua el 14 de Nisán. Péicha haʼekuéra ogueromanduʼa Jehová osalva hague ipuévlope Egíptogui ha oraha chupekuéra pe Tiérra Prometídape. Pe áño 33-pe, Jesús ha ijapostolkuéra oñembyaty kuri peteĩ ógape Jerusalénpe pe koty yvateguápe ha ofesteha hikuái pe Páskua. Opakuévoma pe séna, Jesús heʼi: “Peteĩva pende apytégui chetraisionáta hína”. Umi apóstol ni ndoroviaséi ha oporandu chupe: “¿Máva piko?”. Jesús heʼi chupekuéra: “Upe ameʼẽvape ko pan pedáso, upéva haʼe”. Upéi haʼe ojagarra peteĩ pan pedáso ha ombohasa Judas Iscariótepe. Upepete Judas opuʼã ha oho upégui.

Upéi Jesús oñemboʼe, ojagarra peteĩ pan, ombojaʼo ha omeʼẽ umi ijapóstol oĩvape hendive. Jesús heʼi chupekuéra: “Peʼu ko pan. Kóva orrepresenta che rete ameʼẽtava penderehehápe”. Upéi oñemboʼe jey pe vínore ha ombohasa avei ijapostolkuérape ha heʼi: “Peʼu enterovete; kóva orrepresenta hína che ruguy oñeñohẽtava oñeperdona hag̃ua yvyporakuérape ipekádo. Apromete peẽme peẽ pegovernataha chendive yvágape. Pesegi pejapo kóva káda áño penemanduʼa hag̃ua cherehe”. Upéicha rupi Jesús disipulokuéra koʼag̃aite peve oñembyaty káda áño upe féchape kuarahy oike rire. Ko rreuniónpe oñehenói Séna del Señór térã Última Séna.

 Osenamba rire hikuái, umi apóstol oñepyrũ ojodiskuti ohecha hag̃ua mávapa la iñimportantevéva ijapytepekuéra. Péro Jesús heʼi chupekuéra: “Pe iñimportantevéva pende apytépe oiko vaʼerã pe michĩvévaramo térã tembiguáiramo”.

Jesús heʼi ijapostolkuérape: “Peẽ hína che amígo. Upévare aikuaauka peẽme opa mbaʼe che Ru heʼi vaʼekue chéve. Che aha potaite jeýma yvágape che Túa rendápe. Péro peẽ pepytáta koʼápe ha pejoayhu rupi, enterove ohechakuaáta peẽ haʼeha che disípulo. Che pohayhu haguéicha, peẽ pejoayhu vaʼerã avei”.

Upéi Jesús oñemboʼe Jehovápe ha ojerure chupe oñangareko hag̃ua enterove idisípulore ha oipytyvõ hag̃ua chupekuéra ombaʼapo hag̃ua pyʼaguapýpe ha peteĩ ñeʼẽme. Ojerure avei oñemopotĩ hag̃ua Jehová réra. Jesús oñemboʼepa rire, haʼe ha ijapostolkuéra opurahéi Jehovápe ha upéi oho. Upérõ saʼíma ofalta kuri ojejagarra hag̃ua Jesúspe.

“Ani pekyhyje, peẽ che ovechakuéra mbovymi, pende Ru odesidíma omeʼẽtaha peẽme pe Rréino” (Lucas 12:32).