Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 74

Jesúsgui oiko pe Mesías

Jesúsgui oiko pe Mesías

Juan opredika vaʼekue oikóvo umi héntepe ha heʼi: “Peteĩ tuichavéva chehegui og̃uahẽmbotaite hína”. Jesús orekórõ guare 30 áñorupi, oho Galiléagui rrío Jordánpe. Upépe Juan ovautisa hína kuri umi héntepe ha Jesús ojerure Juánpe ovautisa hag̃ua avei chupe. Péro Juan heʼi Jesúspe: “¿Mbaʼéichaiko che rovautisáta? Nde ningo la chevautisa vaʼerã chéve”. Péro Jesús heʼi chupe: “Jehová oipota nde chevautisa”. Upémarõ mokõivéva oike pe rrío Jordánpe, ha Juan omoñapymi Jesúspe ovautisa hag̃ua chupe.

Jesús ojevautisa rire oñemboʼe Jehovápe ha upepete pe yvága ojeavri ha Ñandejára espíritu sánto oguejy hiʼári peteĩ palómaicha. Ha yvágagui oñehendu Jehová heʼiha: “Nde hína che Raʼy ahayhuetéva ha aguerohorýva”.

Péicha Jesús orresivi Jehovágui pe espíritu sánto. Upe guive oiko chugui pe Mesías térã Cristo ha ikatúma ojapo pe tembiapo Jehová onkarga vaʼekue chupe ojapo hag̃ua ko yvy ape ári.

Jesús ojevautisa riremi, oho pe desiértope ha opyta upépe 40 día. Ou rire upégui, Jesús oho jey Juan rendápe ha Juan ohechávo chupe, heʼi: “Kóva hína Ñandejára Ovecharaʼy oipeʼátava yvyporakuéra pekádo”. Haʼe heʼi vaʼekue upéva ikatu hag̃uáicha umi hénte opilla Jesús haʼeha pe Mesías. ¿Reikuaápa mbaʼépa ohasa vaʼekue Jesús oĩ aja pe desiértope? Jahecháta upéva pe kapítulo oúvape.

“Ha yvágagui oñehendu peteĩ heʼíva: ‘Nde hína che Raʼy ahayhuetéva ha aguerohorýva’” (Marcos 1:11).