Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 68

Elisabet oreko peteĩ mitã

Elisabet oreko peteĩ mitã

Peteĩ saserdóte hérava Zacarías ha hembireko Elisabet oiko vaʼekue ag̃ui Jerusaléngui. Ha upe tiémpope ojapóma mas de 400 áño oñemyatyrõmba hague Jerusalén murálla. Zacarías ha Elisabet aréma omenda hague ha ijedáma hikuái péro naifamíliai. Peteĩ día Zacarías ohapy jave insiénso pe témplope, peteĩ ánhel hérava Gabriel ojeaparese chupe. Zacarías tuichaiterei oñemondýi, péro pe ánhel heʼi chupe: “Ani rekyhyje, Jehová chembou ameʼẽ hag̃ua ndéve peteĩ notísia iporãitereíva. Ne rembireko Elisabet imembýta ha pe mitãme rembohéra vaʼerã Juan. Jehová oiporavóma Juánpe ojapo hag̃ua peteĩ traváho iñimportánteva”. Zacarías heʼi chupe: “¿Mbaʼéichaiko che aikuaáta siértopa la eréva chéve? Elisabet ha che ningo oreedáma orefamília hag̃ua”. Ánhel Gabriel heʼi chupe: “Ñandejára chembou ameʼẽ hag̃ua ndéve ko notísia porãite, péro nde ndacheroviái, upévare neñeʼẽngúta, ha pe mitã onase rire ae reñeʼẽ jeýta”.

Zacarías hiʼaretereíma pe témplope. Upéi osẽ sapyʼa ha umi hénte oporandujoa chupe mbaʼépa oiko raʼe, péro haʼe séñante ojapo pórke ndaikatúi oñeʼẽ. Upépe umi hénte opilla Ñandejára omeʼẽ hague chupe algún mensáhe.

Upéi Elisabet hyeguasu ha oreko peteĩ mitãkuimbaʼe pe ánhel heʼi hagueichaite. Iñamígo ha ihentekuéra oujoa ohecha la mitãʼi ha ovyʼaiterei hikuái Elisabet ndive. Elisabet omombeʼu chupekuéra la imemby herataha Juan, péro enterovénte heʼi chupe: “Ndaipóri ningo pene hentekuéra apytépe ni peteĩ hérava upéicha. ¿Mbaʼéreiko nerembohérai chupe Zacarías, itúaicha?”. Péro Zacarías oskrivi: “Hérata Juan”. Upépe Zacarías oñeʼẽ jey sapyʼa. Judea tuichakuére umi hénte oñeʼẽjoa pe mitã onase vaʼekuére ha heʼi: “Mbaʼépa oiméne oikóta hína ko mitãgui okakuaapa vove”.

Upéi Zacarías henyhẽ espíritu sántogui ha oprofetisa: “Ñamombaʼeguasu Jehovápe. Haʼe opromete vaʼekue Abrahánpe omboutaha pe Mesíaspe ñandesalva hag̃ua. Ha Juan oservíta profétaramo Jehovápe ha opreparáta pe tape pe Mesíaspe g̃uarã”.

 Elisabet oreko peteĩ ipariénte hérava María ha haʼe avei ohasa peteĩ mbaʼe iñimportantetereíva. Jahecháta upéva pe kapítulo oúvape.

“Yvyporakuérape g̃uarã ko mbaʼe ni mbaʼevéicharõ ndaikatumoʼãi oiko, péro Ñandejárape g̃uarã ndaipóri ikatuʼỹva” (Mateo 19:26).