Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 60

Peteĩ goviérno odurátava pára siémpre

Peteĩ goviérno odurátava pára siémpre

Peteĩ pyhare rréi Nabucodonosor osoña peteĩ mbaʼe iñextrañoitereíva. Oipyʼapyeterei chupe la isuéño ha ndaikatuvéi oke. Upémarõ ohenói umi ojapóvape máhia ha heʼi chupekuéra: “Pejemína chéve mbaʼépa osignifika pe asoña vaʼekue”. Ha haʼekuéra heʼi chupe: “Che ruvicha, emombeʼúna oréve mbaʼépa la resoña vaʼekue”. Péro Nabucodonosor heʼi chupekuéra: “No. Peje katu chéve peẽ mbaʼépa la asoña vaʼekue, pórke ndapejéiramo chéve, pojukáta”. Upémarõ haʼekuéra heʼi jey pe rréipe: “Péro eréna oréve mbaʼépa la resoña vaʼekue ikatu hag̃uáicha romombeʼu ndéve mbaʼépa heʼise umíva”. Péro Nabucodonosor heʼi chupekuéra: “Peẽ chembotavyse hína. ¡Pejépy chéve mbaʼépa la asoña vaʼekue!”. Haʼekuéra heʼi chupe: “Hasyeterei ningo la rejeruréva. Ndaipóri ojapo vaʼerã upéva”.

Nabucodonosor ipochyeterei ha omanda ojejukapaite hag̃ua umi ojapóvape máhia ha avei umi kuimbaʼe arandu oĩvape upe paíspe. Upéva heʼise ojejukataha avei Daniel, Sadrac, Mesac ha Abednégope. Upémarõ Daniel ojerure pe rréipe omeʼẽmi hag̃ua chupekuéra tiémpo. Upéi Daniel ha iñamigokuéra oñemboʼe Jehovápe oipytyvõmi hag̃ua chupekuéra. ¿Mbaʼépa ojapo Jehová?

Peteĩ visiónpe Jehová ohechauka Daniélpe umi mbaʼe osoña vaʼekue Nabucodonosor ha omombeʼu chupe mbaʼépa osignifika umíva. Al día sigiénte Daniel oho oñeʼẽ pe rréi sirviéntendi ha heʼi chupe: “Ani pejuka ni peteĩ umi kuimbaʼe arandúpe, che amombeʼúta pe rréipe mbaʼépa osignifika la isuéño”. Upéi pe sirviénte ogueraha Daniélpe rréi Nabucodonosor rendápe. Upépe Daniel heʼi pe rréipe: “Ñandejára oikuaauka ndéve umi mbaʼe oikótava. Nde ningo rehecha kuri ne suéñope peteĩ estátua tuichaitereíva. Pe estátua akã de óro, ipécho ha ijyva de pláta, hye ha ikuárto de kóvre, hetyma ojejapo iérrogui ha ipy ojejapo iérro ha tujúgui. Upéi peteĩ ita oñedesprende peteĩ sérrogui ha ou ombeti hatãiterei pe estátua pýre. Upépe pe estátua ikuʼipaite, oiko chugui pólvo ha pe yvytu oguerahapa upe rire. Upéi pe itágui oiko peteĩ sérro tuichaitereíva ha ojagarrapa ko yvy”.

 Upéi Daniel heʼi pe rréipe: “Pe estátua akã de órova orrepresenta hína ne goviérno. Pe ipécho ha ijyva de pláta katu orrepresenta pe goviérno iñimportantevéva oĩtava nde rire. Ha pe hye ha ikuárto de kóvre orrepresenta peteĩ goviérno ikangymiéva ha ogovernátava ko yvy tuichakuére. Upéi pe goviérno oútava imbaretéta peteĩ iérroicha, péro upe goviérno ojedividipáta ha orekóta párte iérroicha imbareteha ha avei umi párte tujúicha ikangyha. Pe ita oiko vaʼekue chugui sérro orrepresenta hína Ñandejára Rréino. Ko rréino ohundipaitéta umi ótro goviérno oĩva ha upe goviérno añoite oduráta pára siémpre”.

Nabucodonosor oñesũ ha oñakãity Daniel renondépe ha heʼi chupe: “Nde Jára omombeʼu ndéve che suéño. Ndaipóri ótro Dios haʼeichagua”. Upévare Nabucodonosor ndojukái Daniélpe, síno omoĩ chupe omoakã hag̃ua umi kuimbaʼe arandúpe ha kómo governadór pe siuda de Babilóniape. ¿Rehechakuaápa mbaʼéichapa Jehová okontesta Daniélpe iñemboʼe?

“Haʼekuéra ombyaty umi rréipe pe lugár héravape evréo ñeʼẽme Armagedón” (Apocalipsis 16:16).