Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 66

Esdras omboʼe Ñandejára Léi

Esdras omboʼe Ñandejára Léi

Ohasáma 70 áñorupi heta israelita oho jey hague Jerusalénpe, péro unos kuánto opyta gueteri oiko pe Império persa territóriope. Umíva apytépe oĩ Esdras, peteĩ saserdóte omboʼéva Ñandejára Léi. Esdras ohendu umi oĩva Jerusalénpe ndojapoveiha oikóvo Jehová Léi heʼíva ha upévare ohose oipytyvõ chupekuéra. Pe rréi de Persia, Artajerjes heʼi chupe: “Ñandejára ningo nemoarandu remboʼe hag̃ua Iléi. Tereho katu Jerusalénpe ha eraha nendive umi ohosévape guive”. Esdras ha umi ohoséva guive Jerusalénpe oñembyaty ha ojerure Jehovápe okuidami hag̃ua hesekuéra upe viáhepe ha upéi osẽ oho hikuái.

Cuatro mésepe og̃uahẽ hikuái Jerusalénpe. Upépe umi prínsipe upe siudapegua heʼi Ésdraspe: “Umi israelita naiñeʼẽrendúi Jehovápe ha omenda hikuái umi kuña oadorávare umi dios fálsope”. ¿Mbaʼépa ojapo Esdras ohendúvo upéva? Oñesũ oñemboʼe Jehovápe umi israelita renondépe ha heʼi: “Jehová, nde ningo hetaiterei mbaʼe porãma rejapo orerehehápe péro ore ropeka ne renondépe”. Umi israelita oñarrepenti péro upéi osegi jeýnte ojapo umi mbaʼe noĩporãiva. Upévare Esdras heʼi umi hués ha umi kuimbaʼe omoakãvape káda siuda ohecha hag̃ua mbaʼépa la oikóva. Tres mésepe omosẽmbaitéma hikuái entéro umi ndoadoraséivape Jehovápe.

Ohasáma 12 áño ha Jerusalén murálla oñetermináma. Esdras ombyaty umi héntepe pe plásape olee hag̃ua chupekuéra Ñandejára Léi, ha oavrívo pe lívro de la Léi, umi hénte oñemboʼyjoa. Esdras omombaʼeguasu Jehovápe ha umi hénte omopuʼãjoa ipo ohechauka hag̃ua oĩha de akuérdo. Upéi Esdras olee ha omyesakã chupekuéra pe Léi ha umi hénte ojapysaka porã hese. Haʼekuéra orrekonose oñemomombyry hague Jehovágui ha oñepyrũ hasẽ hikuái. Al día sigiénte Esdras osegi olee chupekuéra Ñandejára Léi. Umi israelita ohechakuaa ojapo vaʼerãha pe fiésta hérava Enrramáda Guýpe Jeiko ha ensegída ojapo hikuái umi preparatívo pe fiestarã.

Umi israelita ovyʼaiterei umi siete día odura aja pe fiésta. Haʼekuéra oagradesejoa Jehovápe osẽ porãiterei haguére hemitỹnguéra. Josué omano guive ndorekovéiva hikuái peteĩ fiésta peichagua. Opávo pe Enrramáda Guýpe Jeiko, oñerreuni hikuái ha oñemboʼe Jehovápe ha heʼi: “Jehová,  nde ningo oresalva vaʼekue roikórõ guare esklávoramo, remeʼẽ avei oréve ore rembiʼurã roikórõ guare pe desiértore ha upéi remeʼẽ oréve ko yvy iporãitéva. Péro ore heta vésema naoreñeʼẽrendúi ndéve. Remboúramo jepe nde profetakuérape orepytyvõ hag̃ua, ore noropenái hesekuéra. Upéicharõ jepe nepasiénsia orerehe. Nde nanderesaráiri pe promésa rejapo vaʼekuégui Abrahánpe. Koʼág̃a ropromete oreñeʼẽrendutaha ndéve”. Pe puévlo oskrivi umi mbaʼe oprometéva Jehovápe, upéi umi prínsipe, umi levita ha umi saserdóte osella upéva.

“Ovyʼa [...] umi ohendúva Ñandejára Ñeʼẽ ha ojapóva (Lucas 11:28).