Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Eaprende umi istória oĩvagui la Bíbliape

 LEKSIÓN 1

Ñandejára ojapo pe yvága ha ko yvy

Ñandejára ojapo pe yvága ha ko yvy

Ñandejára Jehová haʼe ñande Kreadór. Haʼe okrea vaʼekue opa mbaʼe jahecháva ha avei umi mbaʼe ndaikatúiva jahecha. Jehová ojapo mboyve umi mbaʼe jahecháva, okrea vaʼekue umi ánhelpe. ¿Ndépa reikuaa mávapa hína umi ánhel? Umi ánhel haʼe hína Ñandejára siérvo. Ñande ningo ndaikatúi jahecha Ñandejárape ha upéicha avei ndaikatúi jahecha umi ánhelpe pórke haʼekuéra ojogua Ñandejárape. Pe primer ánhel Jehová okrea vaʼekue oipytyvõ kuri chupe ojapo hag̃ua umi estrélla ha entéro umi ótra kósa. Ko yvy jaikoha haʼe hína peteĩ mbaʼe iporãitereíva Jehová okrea vaʼekue.

Upéi Jehová ojapo umi mbaʼe ofaltáva ko yvýpe ikatu hag̃uáicha umi animál ha ñande avei jaiko pype. Haʼe ojapo pe kuarahy ohesape ha ojope hag̃ua ko yvy, ojapo avei umi sérro, rrío ha arrojokuéra.

¿Ha mbaʼépa ojapove upe rire? Jehová heʼi: “Ajapóta opaichagua plánta ha yvyramáta”. Upéicha rupi oĩ opaichagua yvoty, frúta ha verdúra. Jehová ojapo avei opaichagua animál, tahaʼe umi ovevéva, umi oikóva mar, rrío ha arrójope ha avei umi oikóvape ko yvy apére. Ojapo umi animál tuicháva ha michĩva, por ehémplo umi koného ha umi elefánte. ¿Mbaʼe animálpa ndéve ndegustave?

Upéi Jehová heʼi pe primer ánhel okrea vaʼekuépe: “Koʼág̃a jajapóta yvypórape”. Haʼekuéra ojapo yvypórape diferénte umi animálgui. Ñande ikatu jajapo heta mbaʼe, ikatu ñañeʼẽ, japuka ha ñañemboʼe Ñandejárape.  Ha Jehová oheja yvyporakuéra kárgope oñangareko hag̃ua ko yvýre ha animalkuérare. ¿Ndépa reikuaa mávapa pe primer kuimbaʼe Jehová ojapo vaʼekue?

“Iñepyrũme Ñandejára ojapo vaʼekue yvága ha yvy” (Génesis 1:1).