PYHAREVETE guive remonoʼõ hína umi mansána. Reipoʼóvo rehetũ mbaʼéichapa hyakuã asy ha remoĩ ne volsónpe. Hetáma rembaʼapo péro ni vymi nanekaneʼõi. Upérupinte oĩ avei nde sy, ombyaty hína umi frúta ha oñemongeta vyʼápe pene hénte ha amigokuérandi ou vaʼekue penepytyvõ. Remañávo hese rehecha ikuñataĩ asyha, ha nemomanduʼa mbaʼéicha vaʼekuépa yma ne michĩme. Ni ndereroviaséi upéi rehecha hague chupe ig̃uaig̃ui pe múndo tujápe. Umi mbaʼasy heta ombosufri vaʼekue chupe ojuka peve. Nde reguapy kuri hupa ykére ha rejagarra chupe ipógui omanórõ guare. Hetaite anga nerasẽ iñeñotỹháme. Péro koʼág̃a haʼe oikove jeýma, hesãi ha oĩ vyʼápe umi ótro héntendi.

Upe día og̃uahẽta katuete. Jaguerovia upéva pórke Jehová siémpre okumpli la oprometéva. Ko pártepe jahecháta pe Rréino promesakuéra oñekumplítava koʼẽrõite Armagedón mboyvemi. Jahecháta avei umi promésa oñekumplítava Armagedón rire. ¡Ajépa javyʼaitéta Ñandejára Rréino ogoverna vove ko yvy ha ombopyahupa opa mbaʼe!