Ehecha oĩva pype

Ehecha menú secundario

Ehecha oĩva pype

Testígo de Jehová

guarani

‘Jaikókena Ñandejára mborayhúpe’

 INFORMASIÓN OĨVÉVA

Mbaʼéicha javépa ha mbaʼérepa kuñanguéra oñakãhoʼivaʼerã?

Mbaʼéicha javépa ha mbaʼérepa kuñanguéra oñakãhoʼivaʼerã?

Mbaʼéicha jave ha mbaʼérepa peteĩ ermána oñakãhoʼivaʼerã? Jahechamína apóstol Pablo heʼíva ko mbaʼére. Upéva jatopa 1 Corintios 11:3-16-pe ha ñanepytyvõta jaikuaa hag̃ua mbaʼépa Ñandejára oipota jajapo. Pablo oñeʼẽ mbohapy mbaʼére: 1) umi tembiapo peteĩ kuña tekotevẽhápe oñakãhoʼi; 2) moõpa ojapo umi tembiapo, ha 3) mbaʼérepa oñakãhoʼivaʼerã.

Umi tembiapo. Pablo oñeʼẽ umi oñemboʼe ha oprofetisávare (versíkulo 4, 5). Ñañemboʼévo ningo jaadorañaína Jehovápe. Ha ñamboʼévo la Biblia ñande rapichakuérape haʼete ku jajapóva umi proféta rembiapokue. Upéicharõ tekotevẽpa peteĩ ermána oñakãhoʼi oñemboʼe térã omboʼe jave la Biblia hapichápe? Nahániri. Odepende ningo moõpa haʼe ojapo koʼã mbaʼe.

Moõpa. Pablo oñeʼẽ ojejapóvare ogapýpe ha kongregasiónpe. Haʼe heʼi: “Kuimbaʼe ningo kuña akã, [...] opa kuña oñemboʼe térã oprofetisa jave ndojahoʼíriramo iñakã omotĩ avei iñakãme” (versíkulo  3, 5, ÑÑB). Jehová heʼi ména omoakãvaʼerãha hembirekópe. Upévare peteĩ kuña omoakãséramo hogapy omotĩ iménape. Pór ehémplo, omboʼe jave la Biblia peteĩ tapichápe ha iména oĩ upépe, ohechaukáta omombaʼeha chupe oñakãhoʼíramo. Péicha vaʼerã iména ndojevautisáiramo jepe, haʼe omoakãgui ifamília. * Ha mbaʼépa ojapovaʼerã oporomboʼe térã oñemboʼe jave oĩramo imemby kuimbaʼe ojevautisámava péro imitãva gueteri? Imemby nomoakãiramo jepe chupe, haʼe oñakãhoʼivaʼerã oikuaágui kuimbaʼekuéra omoakãha kongregasión.

Oñeʼẽvo kongregasiónre Pablo heʼi: ‘Oimérõ oñeʼẽ joapiséva upévare, toikuaa porã ore ndorojepokuaaiha upéicha ni Ñandejára kongregasionkuéra’ (versíkulo 16, ÑÑB). Jehová heʼi kuimbaʼekuéra omoakãvaʼerãha kongregasión (1 Timoteo 2:11-14; Hebreos 13:17). Haʼekuérante ikatu oservi ansiáno ha siérvo ministeriálramo ha oñangareko Ñandejára siervokuérare (Hechos 20:28). Péro sapyʼánte peteĩ ermána ojapomantevaʼerã peteĩ ermáno rembiapo. Pór ehémplo omoakã pe rreunión ojejapóva oñesẽ mboyve predikasiónpe. Ko tembiapo ojejapo pe kongregasión rupive ha upévare oñemeʼẽ peteĩ ermánope. Oñakãhoʼivaʼerã avei omboʼe jave iñestudiántepe ha peteĩ ermáno oĩ hendive. Pe ermána oñakãhoʼi ohechakuaágui ojapoha kuimbaʼe rembiapo.

Péro natekotevẽi ningo oñakãhoʼi opa mbaʼépe g̃uarã. Pór ehémplo okomenta hag̃ua rreunionhápe, osẽ hag̃ua opredika (oĩramo jepe hendive iména térã  ambue ermáno), ha oñemboʼe térã ostudia jave la Biblia imembykuéra ndojevautisáiva ndive. Péro, mbaʼépa ikatu ojapo pe ermána ndoikuaáiramo tekotevẽpa oñakãhoʼi? Péicha oiko jave ohekavaʼerã informasión. * Ha nahesakãiramo chupe, ndojapovaimoʼãi oñakãhoʼíramo, jahechaháicha ko taʼangápe.

Mbaʼérepa. Versíkulo 10 ohechauka oĩha mokõi mbaʼe oipytyvõva kuñanguérape ojapo hag̃ua Ñandejára ojeruréva: ‘Pe kuña oñakãhoʼivaʼerã ohechauka hag̃ua oikoha iména poguýpe, umi anhelkuéra rehehápe’ (BNP). Primero oñakãhoʼívo ohechauka omombaʼeha umi kuimbaʼe Jehová omoĩva omoakã hag̃ua kongregasión. Avei ohechauka ohayhu ha iñeʼẽrenduha Jehovápe. Segundo katu ojapo upéva “umi anhelkuéra rehehápe”. Mbaʼére piko ojeʼe upéva?

Umi ánhel ningo ojesareko entéro Jehová rembiguaikuérare, oĩva yvágape ha yvy ape ári. Haʼekuéra ohechahína mbaʼéichapa oñemoĩ hikuái Jehová poguýpe. Ñaneimperféktoramo jepe, ñaneñeʼẽrendúvo ñamoĩ ehémplo umi ánhelpe g̃uarã. Haʼekuéra iñeʼẽrenduvaʼerã avei Jehovápe, péro yma oĩvaʼekue umi ánhel ndojapóiva upéva (Judas 6). Upéicharõ ehémplo neporãva omoĩ umi ermána kyreʼỹme oñemoĩva umi  ermáno poguýpe, jepe oikuaave ha ikatupyryve chuguikuéra. Ijapytepekuéra oĩ avei umi ermána ohótava yvágape, upépe ogovernáta Cristo ndive ha umi ánhel oĩta ipoguypekuéra. Umi ermána iñeʼẽrendúvo Jehovápe omokyreʼỹ anhelkuérape ojapo hag̃ua avei upéicha. Ajépa iporãite upéva!

^ párr. 3 Ndovaléi peteĩ ermána oñemboʼe hatã iména renondépe, haʼe oservíramo avei Jehovápe. Péro iména oúramo hasy ha ndaikatuvéi oñeʼẽ ikatúta oñemboʼe hatã.

^ párr. 2 Oĩve informasión La Atalaya 15 de julio, 2002, páh. 26, 27, ha 15 de julio, 1977, páh. 445-448.