Ehecha oĩva pype

Ehecha menú secundario

Ehecha oĩva pype

Testígo de Jehová

guarani

‘Jaikókena Ñandejára mborayhúpe’

Kárta omboúva Kuérpo Governánte

Kárta omboúva Kuérpo Governánte

Opavave ohayhúva Jehovápe:

Jesús heʼivaʼekue: “Peikuaáta pe añetegua, ha upe añetegua penemosãsóta” (Juan 8:32, JMP). Ajépa ñanemokyreʼỹete koʼápe heʼíva! Ikatu jaikuaa mbaʼépa añetehápe oipota Ñandejára, jaikóramo jepe koʼã ‘ára pahápe’ henyhẽva japúgui (2 Timoteo 3:1). Katuete ñanemanduʼáne mbaʼeichaitépa javyʼavaʼekue jaikuaaramóme la Biblia heʼíva.

Péro ndahaʼéi jaikuaa porãnte vaʼerã la Biblia heʼíva ha ñamombeʼu meme ñande rapichakuérape. Avei jaikovaʼerã la Biblia heʼiháicha. Upearã tekotevẽ jaiko Ñandejára mborayhúpe. Mbaʼéichapa jajapóta upéva? Pe pyhare omano mboyve Jesús ohechauka mbaʼéichapa. Upérõ heʼi hemimboʼekuérape: ‘Pejapóramo pe che haʼéva peẽme, peiméta che mborayhúpe ko che ajapoháicha che Ru rembipota ha aime imborayhúpe’ (Juan 15:10, BNP).

Jesús oikovaʼekue Ñandejára mborayhúpe ojapo rupi Itúva rembipota. Ha ñande upéicha vaʼerã avei. Jaiko hag̃ua Ñandejára mborayhúpe jaikovaʼerã la Biblia heʼiháicha. Jesús voi heʼi upe pyhare: “Peikuaáramo koʼã mbaʼe ha pejapóramo, pevyʼavaʼerã” (Juan 13:17, BNP).

Hiʼãite ningo oréve ko lívro tapenepytyvõ pejapo hag̃ua la Biblia heʼíva ha péicha ‘peiko Ñandejára mborayhúpe pehaʼarõ aja pe jeikove opaʼỹva’ (Judas 21).

Testigos de Jehová Cuerpo Gobernante