Jaguereko hag̃ua amigo ñañehaʼãvaʼerã. Pe ñehaʼã jajapóva jaguereko hag̃ua Ñandejára amistad omeʼẽta ñandéve heta mbaʼe porã. Jesús heʼi umi ogueroviávape chupe: ‘Peikuaáta pe añetegua ha pe añetegua rupi peguerekóta libertad’ (Juan 8:32, NM). Mbaʼépa heʼiseraʼe?

Ikatu jaguereko libertad koʼág̃a. Ikatu jajehekýi umi tekomboʼe japúgui omosarambíva Satanás. Ikatu avei ñamboyke pe jeroviaʼỹ oĩva hetaiterei tapicháre oikuaaʼỹva Jehovápe (Romanos 8:22). Ñandejára amigokuéra ‘ndokyhyjéi ñemanógui’ jepe (Hebreos 2:14, 1514).

Ikatúta jaguereko libertad Ñandejára mundo pyahúpe. Tuichaite mbaʼe pe libertad jaguerekótava! Ojejapóvo ko Yvýgui peteĩ vyʼarenda, ndaiporimoʼãvéi ñorairõ, mbaʼasy térã tembiapo vai. Ndaiporimoʼãvéi mboriahu ha vareʼa. Jajehekýita tuja ha ñemanógui, avei jekyhyjégui, jejopy ha injustíciagui. La Biblia heʼi Ñandejáragui: “Reipeʼa nde po, ha nde mbaʼe porãme remohyvatã opa mbaʼe oikovévape” (Salmo 145:16).

 Ñandejára amigokuéra oikóta opa ára g̃uarã. Jeikove opaʼỹva haʼe peteĩ regalo tuichaitereíva omeʼẽtava Ñandejára iñamigokuérape (Romanos 6:23). Ejesarekomi sapyʼaite jahecha mbaʼépa ikatu omeʼẽ ndéve pe jeikove opaʼỹva.

Jaguerekóta tiempo jajapo hag̃ua heta mbaʼe. Ikatu jaikuaaseve música rehegua, jajapose pintura térã ñambaʼapose carpinteríape. Ikatu jastudiase mymba térã yvyrakuéra rehe. Térã avei jahase jaikuaa ambue tenda ha tapichakuéra oĩva upérupi. Jaikótagui opa ára g̃uarã, ikatúta jajapopaite koʼã mbaʼe.

Jaguerekóta tiempo jajapo hag̃ua heta amigo. Jaikótagui opa ára, ikatúta avei jaikuaave heta Ñandejára amigokuérape. Jaikuaáta umi mbaʼe porã oguerekóva ha haʼéta avei ñane amigokuéra. Jahayhúta chupekuéra, ha haʼekuéra avei ñanderayhúta (1 Corintios 13:8). Jaguerekótagui tekove opaʼỹva, opavave tapicha oĩva ko Yvy ape ári ikatúta oiko ñane amigo ramo. Ha iporãvéva, pe amistad jaguerekóva Ñandejárandi imbaretevéta ohóvo ára ohasávape. Jaikóke Ñandejára amigo ramo opa ára g̃uarã!