Ñañangareko hag̃ua peteĩ amígore, ñañeʼẽvaʼerã hendive. Ñahenduvaʼerã pe heʼíva, ha haʼe avei ñanerenduvaʼerã. Ñañeʼẽ porã vaʼerã hese ambuekuérape. Upéicha avei jajapovaʼerã jaguereko hag̃ua Ñandejára amistad. Emañami mbaʼépa heʼi la Biblia jajapovaʼerãha koʼã mbaʼére.

Ñañemboʼe pyʼỹi vaʼerã Jehovápe. “Aníke arakaʼeve peheja pene ñemboʼe.” (Romanos 12:12.)

Jaleevaʼerã la Biblia, Ñandejára Ñeʼẽ. “Ñandejára Ñeʼẽ niko henyhẽ Tupã puʼakágui, ha iporã ñamboʼe ha ñañemoñeʼẽ hag̃ua ñande rapichápe, japoheko mboʼe ha ñaporomoarandu hag̃ua hekopete.” (2 Timoteo 3:16.)

Ñamboʼevaʼerã tapichápe Ñandejáragui. “Tapeho aipo ramo opa tetã rupi ha pejapo chupe kuéra che remimboʼe ramo. [...] ha  pemboʼe chupe kuéra ojapopa hag̃ua opa umi mbaʼe aheja vaekue peẽme.” (Mateo 28:19, 20.)

Ñañemoag̃ui Ñandejára amigokuérare. “Ne aranduse ramo eiko iñarandúva ndive.” (Proverbios 13:20.)

Jahavaʼerã reunionhápe Salón del Réinope. “Ha ñañopytyvõ vaerã yayoayhu ha yayapo hag̃ua pe iporãva. [...] ñañomokyreʼỹ vaerã.” (Hebreos 10:24, 25, VP.)

Ñaipytyvõvaʼerã ojejapo hag̃ua tembiapo Reino rehegua. “Peteĩteĩ omeʼẽ vaerã ipyʼapýpe oñanduháicha, ombyasyʼỹre, oipota porãgui. Tupã niko ohayhu pe ipyʼaite guive omeʼẽvape.” (2 Corintios 9:7.)