Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Septiembre de 2017

 JAHECHAUKÁKENA JASERVIHA JEHOVÁPE

¿Ndépa remombaʼe pe adorasión verdadéra?

¿Ndépa remombaʼe pe adorasión verdadéra?

Pe témplo Ezequiel ohecha vaʼekue peteĩ visiónpe omokyreʼỹ umi israelita oĩvape Babilóniape. ¿Mbaʼérepa? Pórke oasegura chupekuéra ojeadora jeytaha Jehovápe. Koʼã ára pahápe pe adorasión verdadéra “oñemopyenda porã umi montáña ári”, ha ñande ñamombaʼeguasu hína Jehovápe haʼe oipotaháicha hetaiterei hénte opa tetãyguándi (Is 2:2). ¿Ndépa reñemotiémpo jepi rejepyʼamongeta hag̃ua umi mbaʼe porãite rehupytývare reikuaa ha reservi rupi Jehovápe?

UMI MBAʼE PORÃ JAHUPYTÝVA ÑAMOMBAʼEGUASU RUPI JEHOVÁPE:

  • Jareko heta informasión orrespondéva ñandéve umi mbaʼe iñimportantevéva jaikuaaséva, omeʼẽva ñandéve konsého ideprovéchova ha peteĩ esperánsa iporãitereíva (Is 48:17, 18; 65:13; Ro 15:4).

  • Oparupiete ko múndope jareko ermáno ñanderayhúva (Sl 133:1; Jn 13:35).

  • Jareko pe priviléhio ñambaʼapóvo Jehovándi peteĩ tembiapo ñanembovyʼávape (Hch 20:35; 1Co 3:9).

  • “Ñandejára pyʼaguapy” ñanemombarete ñaneprovléma jave (Flp 4:6, 7).

  • Ñanekonsiénsia potĩ (2Ti 1:3).

  • Oiko ñandehegui Jehová amigoite (Sl 25:14).

¿Mbaʼéichapa ikatu ahechauka amombaʼeha pe adorasión verdadéra?