Ehecha oĩva pype

Ehecha oĩva pype

 JAHECHAUKÁKENA JASERVIHA JEHOVÁPE

Jastudia porãkena Ñandejára Ñeʼẽ

Jastudia porãkena Ñandejára Ñeʼẽ

¿Mbaʼépa oipytyvõ vaʼekue Daniélpe iñeʼẽrendu hag̃ua Jehovápe toiko la oikóva? Haʼe ostudia porã vaʼekue Ñandejára Ñeʼẽ, umíva apytépe umi profesía hypyʼũvéva oĩva pype (Da 9:2). Nde neñeʼẽrenduséramo Jehovápe Daniel ojapo haguéicha, tekotevẽ avei restudia porã la Biblia. Upéva nepytyvõta rejeroviave hag̃ua Jehová katuete okumplitaha umi mbaʼe oprometéva (Jos 23:14). Avei rehayhuvéta chupe ha upéva nepytyvõta resegi hag̃ua rejapo umi mbaʼe haʼe oguerohorýva (Sl 97:10). Péro, ¿mbaʼéichapa ikatu restudia? Koʼã konsého ikatu hína nepytyvõ.

  • ¿Mbaʼépa ikatu restudia? Iporãta rejepokuaáramo rejeprepara porã umi rreunionrã. Pe lektúra semanál ideprovechovéta ndéve reñemotiémporamo reinvestiga hag̃ua umi mbaʼe nerentendeporãiva. Oĩ avei ostudia porãva umi profesía oĩva la Bíbliape, avei umi mbaʼe porã oúva Ñandejára espíritugui, umi viáhe ojapo vaʼekue apóstol Pablo térã umi mbaʼe porãita Jehová okrea vaʼekue. Reiko aja pérupi oúramo ndéve ne akãme peteĩ mbaʼe reikuaaséva, reanota vaʼerã upéva ikatu hag̃uáicha reinvestiga ág̃a rejapo vove nde estúdio personál.

  • ¿Moõpa ikatu rejuhu informasión? Upearã ikatu nepytyvõ pe vidéo hérava Umi mbaʼe nepytyvõtava restudia porãve hag̃ua la Biblia. Ikatu reñensaja rehekávo informasión oñeʼẽva umi animál salváhe oĩvare Daniel kapítulo 7-pe, ha mbaʼe goviérnopepa orrepresenta umíva.

  • ¿Mboy tiémpopa ikatu restudia? La iñimportánteva hína restudia meme, pórke upéicha ikatúta remombareteve nde jerovia. Ñepyrurã ikatu restudia michĩ mimi, ha upéi saʼi saʼípe embopukuve la nde estúdio. Jastudiávo Ñandejára Ñeʼẽ haʼete jahekáva hína pláta yvyguy, upévare amáske jajuhu, jahekasevesevéta (Pr 2:3-6). Péicha rejapóramo remombaʼevéta Ñandejára Ñeʼẽ ha rejepokuaáta restudia meme la Biblia (1Pe 2:2).

¿MBAʼÉPA ORREPRESENTA UMI ANIMÁL SALVÁHE OĨVA DANIEL KAPÍTULO 7-PE?

  • Da 7:4

  • Da 7:5

  • Da 7:6

  • Da 7:7

EINVESTIGAVE HAG̃UA:

¿Mbaʼéichapa oñekumpli raʼe Daniel 7:8, 24 heʼíva?

IKATU AVEI REINVESTIGA:

¿Mbaʼépa orrepresenta umi animál salváhe térã mymba ñarõ oñeʼẽha Apocalipsis kapítulo 13?