La hénte ohendu porãve jepi oñeñeʼẽ jave chupe iñidiomaitépe Ñandejára Rréinore. Oiméne upévare pe fiésta de Pentekostés año 33-pe d.C., Jehová oñenkarga ikatu hag̃uáicha umi judío “oúva opa tetãgui” ohendu pe notísia porã iñidiomaitépe, jepe haʼekuéra oiméne oikuaa umi idióma oñeñeʼẽ meméva upe tiémpope, por ehémplo hebreo ha griego (Hch 2:5, 8). Umi lugár oñeñeʼẽhápe heta idióma, oĩ jepi kongregasión de diferénte idióma opredikáva el mísmo territóriope. ¿Mbaʼéichapa umi puvlikadór ikatu ombaʼapo oñondive ikatu hag̃uáicha opredika porã enterovévape? ¿Mbaʼépa ikatu ojapo ani hag̃ua oĩ ogajára ipochýva oñeg̃uahẽ joʼapa rupi hógape?

  • Peñemongeta vaʼerã (Pr 15:22): Umi superintendénte de servísio oñemongeta ha ombaʼapo vaʼerã oñondive, ohecha hag̃ua mbaʼépa ikatu ojejapo ojepredika hag̃ua pe territóriope okonveni hag̃uáicha enterovépe. Umi kongregasión opredikáva ótro idiómape orekóramo peteĩ território michĩva, ikatu hína oipota rehasánte umi óga oĩva iterritóriope. Péro haʼekuéra ndaikatúiramo og̃uahẽ entéro umi óga oĩvape iterritóriope pórke tuichaiterei, ikatu hína oipota reg̃uahẽnte umi ógape ha upéi reavisa chupekuéra mávapa oipota ojeho jey hendápe (od-S páh. 93 párr. 37). Ikatu oĩ avei kongregasión ojeruréva ñandéve ñaipytyvõ hag̃ua chupekuéra oheka jave persóna oñeʼẽva ótro idióma, ikatu hag̃uáicha omoĩ umíva iterritóriope (km 7/12 páh. 5, rrekuádro). Nemanduʼa vaʼerã avei ikatuha hína heta idióma oñeñeʼẽ peteĩ ógape. Ojeheka jave hénte oñeʼẽva ótro idióma, ojejapo vaʼerã pe ley de protección de datos heʼiháicha.

  • Peñopytyvõ vaʼerã (Ef 4:16): Opa mbaʼe jajapo vaʼerã pe superintendénte de servísio heʼihaichaite. ¿Ndépa rembostudia hína peteĩ persóna oñeʼẽvape peteĩ idióma ndahaʼéiva ne kongregasión idióma? Pe estudiánte ikatu hína pyaʼeve oprogresa rembohasáramo upe estúdio peteĩ kongregasión térã grúpo oñeʼẽvape iñidióma.

  • Pejeprepara vaʼerã (Pr 15:28; 16:1): ¿Mbaʼépa ikatu ejapo repredika jave retopáramo peteĩ persóna oñeʼẽvare ótro idióma? Ejapokéna ikatumíva reñeʼẽ hag̃ua chupe umi notísia porãre. Koʼã mbaʼe oiko mboyve ikatúma ejeprepara, upearã ikatu remboguejy nde selulárpe la Biblia térã umi vidéo oĩva umi idióma ikatúvape retopa repredikahárupi. Ikatu avei reipuru JW Language reaprende hag̃ua mbaʼéichapa ikatu eporosaluda ótro idiómape.