9:1-7

Jesús okambiapa ha omimbipárõ guare, Itúa oñeʼẽ yvága guive ha heʼi oguerohoryha chupe. Eñeimahinamína mbaʼeichaitépa oiméne oñeñandu raʼe ohendúrõ guare upéva. Katuete ko mbaʼe oiko vaʼekue omombarete Jesúspe ombohovái hag̃ua umi mbaʼe ijetuʼúva ohasátava hína. Ko visión tuichaiterei oipytyvõ vaʼekue Pedro, Santiago ha Juánpe. Pe visión oipytyvõ vaʼekue chupekuéra ohecha hag̃ua Jesús haʼeha pe Mesías ha tekotevẽha ohendu chupe hikuái. Amo 32 áñorupi upe rire Pedro imanduʼa gueteri ko mbaʼe oiko vaʼekuére ha heʼi upéva omombarete hague ijerovia “umi profesíare” (2Pe 1:16-19).

Ñande ndajahecháiramo jepe ko visión, koʼág̃a jahecha hína mbaʼéichapa oñekumpli. Koʼág̃a Jesús haʼéma peteĩ rréi ipoderósova ha koʼẽrõite oúta “omohuʼã hag̃ua iñorairõ”. Péicha ikatúta jaike pe múndo pyahúpe oĩtahápe hustísia (Apc 6:2).

¿Mbaʼérepa imbareteve nde jerovia rehechávo oñekumpliha umi profesía?