Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Marzo de 2016

 TESÓRO OĨVA ÑANDEJÁRA ÑEʼẼME | JOB 1-5

Job iñeʼẽrendu vaʼekue ohasáramo jepe heta mbaʼe ijetuʼúva

Job iñeʼẽrendu vaʼekue ohasáramo jepe heta mbaʼe ijetuʼúva

Job ningo oiko vaʼekue Úzpe umi isrraelíta oĩ tiémpope Egíptope. Haʼe ndahaʼéiramo jepe isrraelíta, oadora vaʼekue Jehovápe. Haʼe heta ifamília, iplataiterei ha oreko vaʼekue tuicha autorida. Ha entéronte oikuaa mbaʼéichapa haʼe ihústo ha iñarandu. Job ningo imbaʼeporãiterei vaʼekue umi imboriahúvandi ha oipytyvõ umi oikotevẽvape. Haʼe iñeʼẽrendu vaʼekue Jehovápe ipyʼaite guive.

Job ohechauka vaʼekue umi mbaʼe ojapóvare Jehová haʼeha pe persóna iñimportantevéva chupe g̃uarã

1:8-11, 22; 2:2-5

  • Satanás ndaikatúi vaʼekue onega Job iñeʼẽrenduha Ñandejárape. Upémarõ heʼi hese ndojapoiha upéva ipyʼaite guive.

  • Satanás heʼi Job iñeʼẽrenduha Jehovápe haʼe ovendesíguinte chupe.

  • Ikatu hag̃uáicha ojurumboty Satanáspe, Jehová oheja chupe ombohasa asy Jóbpe. Upémarõ Satanás hetaiterei ombosufri Jóbpe.

  • Job ohechaukámarõ lomímonte iñeʼẽrenduha Jehovápe, Satanás oñepyrũ oñeʼẽ vai entéro yvypórare ha heʼi ndajaserviriha Jehovápe ñande pyʼaite guive.

  • Job arakaʼeve noñeʼẽvaíri Jehováre ni ndokulpái chupe umi mbaʼe vai oikóvare hese.