Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Junio de 2017

 JAHECHAUKÁKENA JASERVIHA JEHOVÁPE

Ñadefende vaʼerã umi mbaʼe Jehová heʼíva oĩ porãha

Ñadefende vaʼerã umi mbaʼe Jehová heʼíva oĩ porãha

Jehová añoite oreko derécho odesidívo mbaʼéichapa oiko vaʼerã yvyporakuéra. Por ehémplo, haʼe heʼi peteĩ matrimónio oforma vaʼerãha kuimbaʼe ha kuña ha oiko vaʼerãha oñondive pára siémpre (Mt 19:4-6, 9). Jehová heʼi avei ivaiha opaichagua tekokyʼa (1Co 6:9, 10). Jehová omeʼẽ avei ñandéve konsého ñanepytyvõva ñañemonde ha jajearregla hag̃ua hekópe, péicha ojekuaáta ñanediferenteha umi hénte mundopeguágui (Dt 22:5; 1Ti 2:9, 10).

Koʼág̃arupi heta hénte omboyke umi mbaʼe Jehová heʼíva (Ro 1:18-32). Umi hénte oñemonde, ojearregla ha oñekomporta oĩháicha de móda. Haʼekuéra oñemombaʼeguasu voi la hekokyʼa haguére ha oñeʼẽ vai hikuái umi ndojapóivare haʼekuéra ojapóva (1Pe 4:3, 4).

Ñande testígo de Jehová ñadefende vaʼerã pyʼaguasúpe umi mbaʼe Jehová heʼíva oĩ porãha (Ro 12:9). ¿Mbaʼéichapa ikatu jajapo upéva? Jaexplikávo pyʼaguapýpe porãnte umi héntepe mbaʼépa Ñandejára oguerohory ha ñande voi jaikóvo Ñandejára oipotaháicha. Por ehémplo, jadesidíta jave mbaʼépa ñamondéta térã mbaʼéichapa jajearregláta, ñañeporandu vaʼerã: “¿Asegípa hína Jehová heʼíva térãpa ajegia umi hénte mundopegua heʼívare? ¿Ojekuaápa añemonde lájare aserviha Jehovápe?”. Ha jaiporavóta jave mbaʼe prográma térã mbaʼe pelíkulapa jahecháta, ñañeporandu vaʼerã: “¿Ogustánepa Jehovápe? ¿Mbaʼépa chemokyreʼỹta ajapo hag̃ua? ¿Nomokangymoʼãipa hína che jerovia? (Sl 101:3). ¿Mbaʼéichapa umi mbaʼe adesidíva koʼã mbaʼépe ikatu oafekta che hénte térã che rapichakuérape? (1Co 10:31-33)”.

¿Mbaʼérepa iñimportánte ñadefende umi mbaʼe Jehová heʼíva oĩ porãha? Pórke Jesús koʼẽrõitéma ohundíta umi goviérno ha umi hénte añáme. Umi iñeʼẽrendúva añoite Ñandejárape ojesalváta (Eze 9:4-7; 1Jn 2:15-17). Upévare jasegíkena ñadefende umi mbaʼe Jehová heʼíva oĩ porãha ha jaiko haʼe oipotaháicha. Upéicha umi hénte ohecháva mbaʼéichapa jaiko, omombaʼeguasúta Jehovápe (1Pe 2:11, 12).

¿Mbaʼépa ojekuaa cherehe añemonde ha ajearregla lájare?

 

EHECHA PE VIDÉO EIKÓKENA JEHOVÁ AMÍGORAMO: PETEĨ KUIMBAʼE HA PETEĨ KUÑA, HA UPE RIRE ERRESPONDE KOʼÃ PREGÚNTA:

  • ¿Mbaʼérepa iporãve jaiko Jehová oipotaháicha?

  • ¿Mbaʼérepa tuakuéra omboʼe vaʼerã ifamíliape michĩ guive mbaʼépa Jehová heʼi oĩ porãha?

  • ¿Mbaʼéichapa mitã ha kakuaa ikatu ñaipytyvõ umi héntepe ohupyty hag̃ua Jehová oprometéva?