Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Junio de 2016

 TESÓRO OĨVA ÑANDEJÁRA ÑEʼẼME | SALMOS 34-37

Ejerovia Jehováre ha ejapo iporãva

Ejerovia Jehováre ha ejapo iporãva

“Ani reenvidia umi hembiapo vaívape”

37:1, 2

  • Ani reenvidia umi hembiapo vaívape rehecháramo jepe oho porãha hína chupekuéra, síno eñehaʼã ehupyty umi méta erekóva ha epensa meme umi mbaʼe porã rehupytývare reservi rupi Jehovápe.

“Ejerovia Jehováre ha ejapo iporãva”

37:3

  • Ejeroviákena Jehováre rehasa jave peteĩ situasión ijetuʼúva térã rehechakuaa jave ndepyʼamokõiha. Haʼe nepytyvõta resegi hag̃ua neñeʼẽrendu chupe.

  • Epredika meme umi notísia porã oñeʼẽva Ñandejára Rréinore.

“Evyʼa nde pyʼaite guive rejapóvo Jehová heʼíva”

37:4

  • Eñemotiémpokena relee ha rejepyʼamongeta hag̃ua la Biblia heʼívare. Upéva nepytyvõta reikuaa porãve hag̃ua Jehovápe.

“Eheja Jehová pópe opa mbaʼe redesidítava”

37:5, 6

  • Ejeroviákena Jehová nepytyvõtaha regueropuʼaka hag̃ua opa mbaʼe rehasáva.

  • Esegíkena ejapo iporãva oĩramo jepe oñeʼẽ vaíva nderehe, ndepersegíva térã oñemoĩva nderehe.

“Ani rejedesespera, ejerovia Jehováre ha trankílo porãnte ehaʼarõ haʼe tanepytyvõ”

37:7-9

  • Ani erreaksiona ojejapo jave nderehe ivaíva. Rejapóramo upéva ikatu upéi rembyasy ha epyta vai Jehová renondépe.

“Umi hénte ivuénova opytáta ko yvy ape ári”

37:10, 11

  • Nepasiénsia vaʼerã ha eñehaʼãmbaite eiko pyʼaguapýpe enterovéndi ojejapóramo jepe nderehe inhustísia. Jehová koʼẽrõitéma ohundíta umi iñañávape.

  • Eipytyvõkena ermanokuérape ha ekonsola umi héntepe reñeʼẽvo chupekuéra umi mbaʼe porã Ñandejára ojapótavare.

Jesús ogoverna vove ko múndo jahupytýta hetaiterei mbaʼe porã