MBAʼÉREPA IÑIMPORTÁNTE: La Biblia heʼi umi mbaʼe ñapensáva ojoguaha y oĩva peteĩ póso pypukúpe, ha peteĩ válde ñanepytyvõháicha ñanohẽ hag̃ua y, umi porandu ikatu ñanepytyvõ jaikuaa hag̃ua mbaʼépa opensa umi hénte (Pr 20:5). Jaiporavo porãrõ umi porandu, ikatúta ñañemongeta porãve umi héntendi ha jaikuaáta hetave mbaʼe chuguikuéra. Jesús ojapo vaʼekue upéicha, ¿mbaʼéichapa ñande ikatu jasegi iñehémplo?

MBAʼÉICHAPA IKATU REJAPO:

  • Eñehaʼã eikuaa mbaʼépa opensa pe persóna. Jesús ombaʼeporandu vaʼekue idisipulokuérape oikuaa hag̃ua mbaʼépa opensa hikuái (Mt 16:13-16; be páh. 238 párr. 3-5). ¿Mbaʼeichagua porandúpa ikatu jaipuru jaikuaa hag̃ua pe persóna opensáva?

  • Embohape la rrespuésta. Jesús oipytyvõ vaʼekue Pédrope okorrehi hag̃ua opensa lája ombaʼeporandúvo chupe ha ombohapévo la rrespuésta ikatu hag̃uáicha haʼe ijeheguiete opilla upéva (Mt 17:24-26). ¿Mbaʼeichagua porandúpa ikatu jaipuru pe persóna opilla hag̃ua ijeheguiete la ñamboʼeséva chupe?

  • Eguerohory chupe ombohovái jave. Jesús oguerohory vaʼekue peteĩ mboʼehára leipeguápe ombohovái porãrõ guare chupe la iporandu (Mr 12:34). ¿Mbaʼéichapa ikatu jaguerohory peteĩ persónape ombohovái jave ñane porandu?

EHECHA PE PRIMERA PÁRTE PE VIDÉO HÉRAVAGUI JASEGÍKENA PE TEMBIAPO JESÚS OMOÑEPYRŨ VAʼEKUE: ÑAPOROMBOʼE, HA UPÉI EMBOHOVÁI KOʼÃ PORANDU:

  • ¿Mbaʼérepa ikatu jaʼe ko ermáno nomboʼeporãiha, jepe siérto opa mbaʼe oexplikáva?

  • ¿Mbaʼérepa jaʼekuaa iñimportanteveha mbaʼéichapa ñaporomboʼe ha ndahaʼéi mbaʼépa jaʼe?

EHECHA PE SEGUNDA PÁRTE PE VIDÉOGUI HA UPÉI EMBOHOVÁI KOʼÃ PORANDU:

  • ¿Mbaʼérepa ikatu jaʼe pe ermáno oipuru porã hague umi porandu?

  • ¿Mbaʼe mbaʼépa ojapo avei ko ermáno ikatúva jakopia chugui ñaporomboʼe jave?

¿Mbaʼéichapa oñeñandu jepi umi hénte ñamboʼe jave chupekuéra? (Lu 24:32).