Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Diciembre de 2017

 JAHECHAUKÁKENA JASERVIHA JEHOVÁPE

Eñembokatupyryvékena: Eñehaʼã eñeʼẽ enterovéndi nde territóriope

Eñembokatupyryvékena: Eñehaʼã eñeʼẽ enterovéndi nde territóriope

MBAʼÉREPA IÑIMPORTÁNTE. Zacarías oprofetisa vaʼekue oĩtaha persóna oúva opa tetãgui ha oñeʼẽva opaichagua idióma ohendu porãtava umi notísia porã (Zac 8:23). ¿Péro mávapa omboʼéta chupekuéra? (Ro 10:13-15). Ñande jareko pe priviléhio ha rresponsavilida ñamombeʼúvo umi notísia porã entéro umi oĩvape ñande territóriope (od-S páh. 84 párr. 10, 11).

MBAʼÉICHAPA IKATU REJAPO:

  • Ejepreparákena. ¿Rejuhúmapa raʼe algúna persóna oñeʼẽva ótro idióma? Ikatu reipuru pe aplikasión JW Language reaprende hag̃ua peteĩ presentasión isensíllova, térã eipuru nde selulár o távlet rehechauka hag̃ua chupe mbaʼéichapa ikatu oike jw.org-pe otopave hag̃ua informasión iñeʼẽtépe.

  • Ejesarekókena nde jerére. Repredika jave ogahárupi, ani eheja ohasa rei ndehegui umi oportunida repredika hag̃ua avei umi ohasávape upérupi, umi ohaʼarõvape kolektívo térã umi oĩva hiʼáuto estasionádope. Ha oiméramo repredika hína karríto reheve ani ejedistrae ha eñehaʼã eñemongeta umi héntendi.

  • Ndeguápokena. Eñehaʼãmbaite vaʼerã retopa umi ndaipóri vaʼekuépe hógape epredika aja. Ejapo opa ikatúva reñemongeta hag̃ua peteĩndi jepe káda ógape. Upearã ikatu epensa mbaʼe óra térã mbaʼe díapa opyta porãvéta etopa hag̃ua hese. Algúnope tekotevẽta avei epredika por kárta, por teléfono térã kállere.

  • Evisita meme upe persónape. Pyaʼe revisita jey vaʼerã peteĩ ohechauka vaʼekuépe oñeinteresaha. Upe persóna oñeʼẽramo ótro idióma ehecha vaʼerã peteĩ ikatúva oipytyvõ chupe iñeʼẽtépe. Resegi vaʼerã revisita upe persónape oñekomunika peve hendive peteĩ ermáno oñeʼẽva iñidióma (od-S páh. 93, 94 párr. 39, 40).

EHECHA PE VIDÉO JAPREDIKA “MOMBYRYVEHÁPE KO YVY TUICHAKUÉRE” HA UPÉI EMBOHOVÁI KOʼÃ PORANDU:

  • ¿Mbaʼéichapa ojeprepara umi ermáno ha ermána ikatu hag̃uáicha opredika umi persóna oikóvape umi território mombyryvehápe? (1Co 9:22, 23).

  • ¿Mbaʼe ijetuʼúvapa ombohovái vaʼerã kuri hikuái?

  • ¿Mbaʼe iporãvapa ohupyty hikuái?

  • ¿Mbaʼépa ikatu rejapo reñeʼẽ hag̃ua hetave persónandi nde territóriope?