Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Diciembre de 2016

 JAHECHAUKÁKENA JASERVIHA JEHOVÁPE

Eñembokatupyryvékena: eipuru pe lívro ‘Jaikókena Ñandejára mborayhúpe’ eg̃uahẽ hag̃ua umi hénte korasõme

Eñembokatupyryvékena: eipuru pe lívro ‘Jaikókena Ñandejára mborayhúpe’ eg̃uahẽ hag̃ua umi hénte korasõme

MBAʼÉREPA IÑIMPORTÁNTE: Umi hénte ningo oikuaa vaʼerã umi mbaʼe Jehová ohaʼarõva chuguikuéra ha okumpli vaʼerã umíva ikatu hag̃uáicha haʼe oguerohory chupekuéra (Is 2:3, 4). Pe segúndo lívro jastudiáva la héntendi haʼe hína ‘Jaikókena Ñandejára mborayhúpe’. Ko lívro ikatu oipytyvõ chupekuéra ohechakuaa hag̃ua mbaʼéichapa káda día ikatu omoĩ en práktika umi konsého oĩva la Bíbliape (Heb 5:14). Ñañehaʼã vaʼerã ñag̃uahẽ umi ñane estudiánte korasõme, upéicharõmante haʼekuéra ijeheguiete okambiáta tekotevẽhápe (Ro 6:17).

MBAʼÉICHAPA IKATU REJAPO:

  • Ejeprepara porã vaʼerã. Ehechakuaa vaʼerã mbaʼépepa tekotevẽ reipytyvõ ne estudiántepe ha eporandu chupe mbaʼépa opensa pe ostudiávare hína, péicharõmante ikatúta reikuaa mbaʼépa oñandu (Pr 20:5; be páh. 259).

  • Eipuru umi rrekuádro oĩva umi kapítulope eipytyvõ hag̃ua chupe ohechakuaa hag̃ua mbaʼérepa iñimportánte omoĩ en práktika umi prinsípio bíblico.

  • Oĩ jave umi mbaʼe káda uno jadesidi vaʼerã, eipytyvõ chupe ijeheguiete ohechakuaa hag̃ua mbaʼépa opensa Jehová káda kósare, péro ani redesidi hese (Gál 6:5).

  • Eñehaʼã ehechakuaa mbaʼépepa ijetuʼu hína ne estudiántepe omoĩ hag̃ua en práktika umi prinsípio bíblico. Mborayhúpente emokyreʼỹ vaʼerã chupe ojapo hag̃ua umi kámbio tekotevẽva ha péicha ohechauka hag̃ua ohayhuha Jehovápe (Pr 27:11; Jn 14:31).