Jesús omanda vaʼekue idisipulokuérape ojapo hag̃ua umi héntegui idisípulo (Mt 28:19). Upearã japredika ha ñaporomboʼe vaʼerã. Upévare iporã ñañeporandu jepi: ¿Mbaʼéichapa ikatu ajapo porãve ko tembiapo iñimportantetéva?

JAPREDIKA

Ñahaʼarõ rangue umi hénte oñemboja ñanderehe, ñande voi jaheka vaʼerã umi omeresévape ohendu pe notísia porã (Mt 10:11). Ñasẽ jave predikasiónpe, ¿ñañatendépa ikatu hag̃uáicha japredika entéro persóna jatopávape tahaʼe hógape térã kállere? (Hch 17:17). Pablo oaprovecha rupi opa oportunida orekóva opredika hag̃ua, Lidia ikatu kuri ohendu ha oguerovia pe añetegua (Hch 16:13-15).

“Pyhareve eñotỹ la ne semílla, ha kaʼaruete peve embaʼapo, ani repytuʼu” (Ec 11:6).

EHECHA PE VIDÉO JASEGÍKENA JAPREDIKA MEME JAIKOHÁRUPI HA OGAHÁRUPI, HA UPÉI EMBOHOVÁI KOʼÃ PORANDU:

  • ¿Mbaʼéichapa Samuel ohechauka raʼe oñehaʼãha káda día oñotỹ hag̃ua hapichakuéra korasõme pe añetegua?

  • ¿Mbaʼérepa ñañehaʼã vaʼerã japredika opa hendáicha?

  • ¿Mávapepa ikatu repredika pe reikohárupi?

ÑAPOROMBOʼE

Jajapo hag̃ua umi héntegui Jesús disípulo ndahaʼéi vaʼerã jahejánteva chupekuéra la puvlikasión. Jajapo vaʼerã rrevisíta ha estúdio ikatu hag̃uáicha ñaipytyvõ chupekuéra oñemoag̃ui hag̃ua Ñandejárare (1Co 3:6-9). Péro, ¿mbaʼépa oikóta haʼetéramo ñandéve la jajapóva ndorekoguasuiha rresultádo? (Mt 13:19-22). Lomímonte jasegi vaʼerã jaheka umi persóna orekóva peteĩ korasõ ojoguáva “yvy porãme” (Mt 13:23; Hch 13:48).

“Che añotỹ, Apolos orrega, péro Ñandejára hína upe omongakuaáva” (1Co 3:6).

EHECHA PE VIDÉO JASEGÍKENA JAPREDIKA MEME UMI LUGÁR HETAHÁPE HÉNTE HA JAJAPÓVO UMI HÉNTEGUI JESÚS DISÍPULO, HA UPÉI EMBOHOVÁI KOʼÃ PORANDU:

  • ¿Mbaʼéichapa Solomon ha Mary “orrega” raʼe pe añetegua oñotỹ vaʼekue Ezequiel ha Abigail korasõme?

  • ¿Mbaʼépa jahupytyse japredika jave opa hendáicha ha avei karríto reheve?

  • ¿Mbaʼépa ikatu jajapove ñamboʼe hag̃ua umi ótrope pe añetegua?