Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Prográma rreuniónpe g̃uarã  |  Abril de 2017

 JAHECHAUKÁKENA JASERVIHA JEHOVÁPE

Jarresivi porãkena entéro oúvape rreunionhápe

Jarresivi porãkena entéro oúvape rreunionhápe

Jarresivi porã vaʼerã entéro oúvape rreunionhápe, tahaʼe umi ou ramóva térã umi jaikuaámavape voi are guive (Ro 15:7; Heb 13:2). Sapyʼánte ikatu ou rreunionhápe umi ermáno ótro paisgua térã peteĩ ermáno inaktívo ou jeýva rreunionhápe heta áño rire. Epensamíntena, ¿mbaʼéichapa reñeñandúta reiméramo ilugárpe? Ajépa revyʼaitereíta enterovévante nderresivi porãramo (Mt 7:12). Upévare ñañehaʼã vaʼerã jasaluda enterovépe oñepyrũ mboyve ha opa rire la rreunión. Upéva tuichaiterei avei oipytyvõ enterovéva oñeñandu porã ha ovyʼa hag̃ua kongregasiónpe (Mt 5:16). Enterovéva ñañehaʼãramo jajapo upéicha ikatúta javyʼa rreunionhápe, ndaikatúiramo jepe ñañemongeta káda únondi. *

Tódo el tiémpo ningo jarresivi porã vaʼerã la héntepe, ndahaʼéi Konmemorasión tiémpopente. Jarresivi porãramo enterovépe, umi persóna ou ramóva rreunionhápe ohechakuaáta ñande haʼeha kristiáno verdadéro ha jajoayhu añeteha. Upéva omomýita chupekuéra omombaʼeguasu hag̃ua Jehovápe ha ñanemoirũse hag̃ua avei (Jn 13:35).

^ párr. 3 Umi prinsípio bíblico ohechauka porã ndovaleiha jasaluda peteĩ persóna expulsáda térã desasosiáda ohóvape rreunionhápe (1Co 5:11; 2Jn 10).