Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Tito 3:1-15

3  Emomanduʼa meme chupekuéra iñeʼẽrendu ha oñemoĩ vaʼerãha mburuvicha ha autoridakuéra poguýpe, ha ikyreʼỹ vaʼerãha ojapo hag̃ua opa mbaʼe iporãva,  ndovaleiha okopi avavére, ndoikói vaʼerã oñorairõse, ndovaleiha oñemohatã haʼekuéra heʼívapente, ha ipyʼaporã* vaʼerãha opavavéndi.  Ñande jepe yma ñandevýro vaʼekue, nañaneñeʼẽrendúi, jaheja vaʼekue ótro ñanembotavy, jaiko ñande rete rembipota ha umi mbaʼe vai ñandegustáva poguýpe, ñanderekoaña, ñaenvidia ótrope, ñaneñañaiterei ha ndajachaʼéi ojuehe.  Péro ñande Salvadór Ñandejára ohechauka imbaʼeporã ha ohayhuha yvyporakuérape.  (Haʼe ñandesalva ñandeporiahuvereko rupi, ndahaʼéi ñande jajapo haguére iporãva.) Haʼe ñanemopotĩ, ñanemoingove jey ha oiporu ijespíritu sánto* ñanembopyahu hag̃ua, ha péicha ñandesalva.  Pojerápe haʼe ohykuavo ñande ári ijespíritu, ñande Salvadór Jesucristo rupive.  Haʼe imbaʼeporãiterei* rupi ojeʼe ñanderehe ñanderekojojaha*, ha ikatu jareko esperánsa jahupytývo jeikove opaveʼỹva haʼe opromete haguéicha.  Nde ikatu rejerovia koʼã ñeʼẽre, ha aipota akóinte ere jey jey koʼã mbaʼe, ikatu hag̃uáicha umi ojeroviáva Ñandejárare oñehaʼã meme hembiapo porã. Koʼã mbaʼe ningo iporã ha ideprovécho kuimbaʼekuérape.  Péro aníke reñentremete umi oikóvare oporandu vyroreíre, oñeʼẽséva umi lívrore oĩháme ñande ypykuéra réra, ha ojodiskuti ha oñorairõva pe Léi* rehe. Umíva ndovaléi mbaʼeverã ha ndaideprovéchoi avavépe. 10  Oĩramo peteĩ kuimbaʼe omoñepyrũséva peteĩ sékta*, eñemoñeʼẽ chupe dos vése ha nanerendúiramo, emboyke chupe. 11  Nde reikuaa pe kuimbaʼe osẽha tape porãgui, opeka ha oñekondenáma ijupe voi. 12  Ág̃a amondóvo ne rendápe Ártemas térã Tíquicope, eñehaʼãmbaitéke eju che rendápe Nicópolispe, adesidíma kuri upépe ahasataha araroʼy. 13  Ejapo ikatúva entéro remeʼẽ hag̃ua Zénaspe, oikuaa porãva pe Léi, ha avei Apólospe opa mbaʼe oikotevẽva iviaherã. 14  Péro ñane ermanokuéra oaprende vaʼerã avei ojapo meme iporãva, ikatu hag̃uáicha ohupyty umi mbaʼe añetehápe oikotevẽva; péicha akóinte ojapóta hikuái umi mbaʼe ideprovéchova. 15  Orahauka ndéve salúdo entéro umi oĩva chendive. Saludomi avei entéro ñane ermanokuéra ñanderayhúvape. Ñandejára taimbaʼeporã penendive.

Nóta

Térã: “ndaipochyreíri”.
Ehecha “Espíritu Sánto”, diksionário oĩva ko Bíbliape.
Térã: “ohechauka rupi mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.
Ehecha “Hekojojáva Ñandejára Renondépe”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Ehecha “Sékta”, diksionário oĩva ko Bíbliape.