Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Tito 2:1-15

2  Nde katu resegi vaʼerã reñeʼẽ umi mbaʼe oĩ porãvare Ñandejára Ñeʼẽ heʼíva ndive*.  Umi kuimbaʼe ijedavéva ojejokokuaa vaʼerã opa mbaʼépe, oiko vaʼerã hekópe, iñakãguapy vaʼerã, ijerovia mbarete vaʼerã, oporohayhu ha oaguanta vaʼerã.  Upéicha avei, umi kuña ijedavéva ojapo vaʼerã opa mbaʼe oñembotuicha hag̃ua Ñandejárape, ndovaléi otaky hapicháre, ni omokõiterei. Upéva rangue, omboʼe vaʼerã hikuái iporãva.  Péicha ikatúta omboʼe umi kuña imitãvévape ohayhu hag̃ua iménape, imembykuérape,  iñakãguapy, hekopotĩ, iguápa vaʼerãha hogapýpe, imbaʼeporã, ha oñemoĩ vaʼerãha iména poguýpe ani hag̃ua oñeñeʼẽ vai Ñandejára Ñeʼẽre.  Upéicha avei, ere jey jey vaʼerã umi kuimbaʼe imitãvévape taiñakãguapy.  Nde voi remoĩ vaʼerã ehémplo rejapo porãvo opa mbaʼe. Rehechauka vaʼerã neakãguapyha remboʼe jave umi mbaʼe iporãva.  Ani hag̃ua avave okopi upe erévare, reñeʼẽ vaʼerã umi mbaʼe ideprovéchotavare. Péicha remotĩta umi oñemoĩvape ñanderehe ha ndorekomoʼãi hikuái mbaʼeve ivaíva heʼi vaʼerã ñanderehe.  Umi tembiguái oñemoĩ vaʼerã ipatronkuéra poguýpe opa mbaʼépe. Oñehaʼã vaʼerã oĩ porã hendivekuéra ha ndovaléi ijuruatã. 10  Naimondái vaʼerã hikuái, síno ohechauka vaʼerã ikatuha ojejerovia hesekuéra. Péicha opa mbaʼe ojapóvape omoporãta ñande Salvadór Ñandejára omboʼéva. 11  Ñandejára ohechauka imbaʼeporãitereiha* omeʼẽvo salvasión opaichagua tapichápe. 12  Upéva ñanerekomboʼe ñamboyke hag̃ua opa mbaʼe oñemoĩva Ñandejára rembipotáre ha ani hag̃ua jaipota umi mbaʼe ko mundopegua*. Péicha ñaneakãguapýta, jaikóta hekópe ha ñamombaʼeguasúta Ñandejárape jaikóramo jepe ko múndope. 13  Ñande jaiko vaʼerã péicha ñahaʼarõ aja oñekumpli pe esperánsa ñanembovyʼaitéva, ha tojehechauka tekomimbipa reheve Ñandejára Ipuʼakapáva ha ñande Salvadór Cristo* Jesús. 14  Haʼe oñemeʼẽ ñanderehehápe ikatu hag̃uáicha ñandepeʼa opaichagua tembiapo vaígui ha ñanemopotĩ imbaʼerã. Péicha oikóta ñandehegui peteĩ puévlo imbaʼe teéva, ikyreʼỹva ojapo hag̃ua iporãva. 15  Esegíkena eñeʼẽ koʼã mbaʼére, eñemoñeʼẽ ha emongavaju umi ótrope, nde ningo reguereko voi autorida rejapo hag̃ua upéva. Aníke reheja avave ndeapoʼi.

Nóta

Griégope heʼi: “umi ñeʼẽ porã ndive”.
Térã: “mbaʼeporã ijojahaʼỹva”, ehecha diksionário oĩva ko Bíbliape.
Ehecha “Múndo”, diksionário oĩva ko Bíbliape.
Ehecha “Cristo”, diksionário oĩva ko Bíbliape.