Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Romanos 9:1-33

9  Che ningo Cristo* disípulo*. Pe espíritu sánto* oisãmbyhy che konsiénsia*, upévare amombeʼu pe añetegua ha ndachejapúi haʼévo  añembyasyetereiha ha opa árape chejopyha che korasõ.  Ideprovéchotaramo che ermanokuéra hudíope ndosegíriva Crístope, hiʼãite chéve ajekastiga ivesekuéra.  Haʼekuéra isrraelíta, Ñandejára oadopta vaʼekue chupekuéra itaʼýraramo, ombotuicha, ojapo hendivekuéra umi kompromíso*, ha omeʼẽ chupekuéra pe Léi*. Haʼekuéra ikatu omombaʼeguasu chupe ha haʼe omeʼẽ chupekuéra umi promésa.  Haʼekuéra ñande rukuéra ypykue ñemoñare, ha pe Cristo ou ifamiliarégui. Akóinte toñembotuicha Ñandejárape orekóva ipoguýpe opa mbaʼe. Taupéicha*.  Upéva ndeʼiséi Ñandejára Ñeʼẽ ofalla hague, naentéroi onaséva Israélpe ningo isrraelíta.  Ndahaʼéi avei Abrahán ñemoñare haguére ikatúva jaʼe enterove haʼekuéra haʼeha Abrahán raʼy, síno ojehaiháicha Ñandejára Ñeʼẽme: “Ne ñemoñare oúta Isaac rupive”.  Upéva heʼise naentéroi Abrahán raʼy haʼeha añetehápe Ñandejára raʼy, síno umi onase vaʼekue pe promésa rupive, umíva hína Abrahán raʼy teete,  Ñandejára oprometégui: “Kóva ko tiémpope, pe áño oúvape, che ahovasáta* Sárape ha haʼe orekóta peteĩ mitãkuimbaʼe”. 10  Péro ndahaʼéi upérõnte, síno avei Rebeca opytárõ guare hyeguasu, orekótarõ guare gemelo ñande ru ypykue Isaácgui. 11  Upérõ neʼĩra onase umi mitã ha ndojapói gueteri hikuái mbaʼeve iporã ni ivaíva, péro Ñandejára odesidíma mávapepa oiporavóta. Péicha Ñandejára ohechauka oiporavoha haʼe oipotávape ha nodependeiha yvyporakuéra ojapóvare. 12  Ñandejára heʼi vaʼekue chupe: “Pe ijypykue oservíta pe imitãvévape”. 13  Ojehaiháicha Ñandejára Ñeʼẽme: “Ahayhu Jacóbpe, péro ndachaʼéi Esaú rehe”. 14  ¿Mbaʼépa jaʼéta upéicharõ? ¿Jaʼétapa Ñandejára ndahekojojaiha? ¡Ni mbaʼevéicharõ! 15  Haʼe heʼi vaʼekue Moiséspe: “Che ahayhúta pe oporohayhúvape, ha aiporiahuverekóta pe oiporiahuverekóvape hapichápe”. 16  Upéicharõ nodependéi pe oipotávare ni pe oñehaʼãvare, síno Ñandejárare, ñandeporiahuverekóva. 17  Ñandejára Ñeʼẽ heʼi Faraónpe*: “Upearã roheja reikove, ahechauka hag̃ua ndéve che puʼaka ha che réra ojekuaauka hag̃ua opárupi ko yvy ape ári”. 18  Upéicharõ haʼe oiporiahuvereko oiporiahuverekosévape, péro oheja oñemohatã upe haʼe oipotáva. 19  Nde katu eréta chéve: “¿Mbaʼére piko Ñandejára osegi okulpa yvyporakuérape? ¿Máva piko oñemoĩ hembipotáre?”. 20  Añetehápe, ¿máva piko nde rembohovái hag̃ua Ñandejárape? ¿Heʼítapa pe kambuchi ijapoharépe: “¿Mbaʼére piko chejapo péicha?”? 21  ¿Ndapeikuaái piko pe alfaréro ikatuha ojapo pe ñaiʼũgui haʼe ojaposéva; ikatu ojapo kambuchi ojeporu porãtava ha kambuchi ojeporútava oimeraẽ mbaʼerã? 22  Péicha avei ojapo Ñandejára, haʼe ohechaukase ipochyha umi hénte añándi ha ohechaukase ipodér. Haʼe ipasiensiaiterei hesekuéra, jepe haʼe ipochy umi héntendi* ha omerese hikuái oñehundi. 23  Haʼe ojapo upéva ohechauka hag̃ua hekomimbipa tuichaitéva umi oiporiahuverekóvape*, koʼãvape oñemeʼẽta pe rregálo Ñandejára oprepara vaʼekue chupekuéra g̃uarã. 24  Umíva hína ñande, jajeporavo vaʼekue ndahaʼéi umi hudío apytéguinte, síno umi tetã ambuegua apytégui avei. 25  Péicha haʼe heʼi Oseas kuatiañeʼẽme: “Umi ndahaʼéivape che puévlo ahenóita ‘che puévlo’, ha pe ndahayhúi vaʼekuépe, ‘ahayhúta’. 26  Ha pe lugár haʼe haguépe chupekuéra: ‘Peẽ ndahaʼéi che puévlo’, upépe oñehenóita chupekuéra ‘Ñandejára oikovéva raʼykuéra’”. 27  Avei Isaías heʼi vaʼekue Israel rehe: “Israel raʼykuéra hetaitereíramo jepe yvykuʼi marpeguáicha, umi hembývante ojesalváta, 28  Jehová* oporohusgáta rupi ko yvy ape ári, ha pyaʼeterei voi ojapopáta upéva”. 29  Avei Isaías oprofetisa* vaʼekue: “Jehová, pe ehérsito yvagapegua Ruvicha ndohejáirire ñandéve ñemoñare, japyta vaʼerãmoʼã Sodoma ha Gomórraicha”. 30  ¿Mbaʼépa jaʼéta upéicharõ? Umi tetã ambuegua noñehaʼãiramo jepe hekojoja, ojerovia rupi, hekojoja Ñandejára renondépe. 31  Péro umi Israelgua oñehaʼãramo jepe hekojoja pe Léi heʼiháicha, nokumplíri pe Léi. 32  ¿Mbaʼérepa upéva? Haʼekuéra openságui ikatuha hekojoja hembiapo rupive, ndahaʼéi ojerovia haguére. Oñepysanga hikuái pe “ita oñemoĩvare oñepysanga hag̃ua”. 33  Ojehaiháicha Ñandejára Ñeʼẽme: “¡Péina! Amoĩ Siónpe peteĩ ita umi hénte oñepysanga hag̃ua hese ha peteĩ ita guasu oporombopochýva. Péro pe ojeroviáva hese ni mbaʼevéicharõ nombyasymoʼãi ojapo haguére upéva”.

Nóta

Ehecha “Cristo”, diksionário oĩva ko Bíbliape.
Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Ehecha “Espíritu Sánto”, diksionário oĩva ko Bíbliape.
Ehecha “Konsiénsia”, diksionário oĩva ko Bíbliape.
Térã: “pákto ỹrõ kontráto”.
Ehecha “Léi”, diksionário oĩva ko Bíbliape.
Térã: “Amén”.
Térã: “avendesíta”. Ehecha “Vendisión”, diksionário oĩva ko Bíbliape.
Péicha oñehenói vaʼekue umi mburuvicha guasu Egiptoguápe.
Griégope heʼi: “kambuchi omereséva oñehundi”.
Griégope heʼi: “kambuchi omereséva ojeporiahuvereko”.
Ehecha Informasión Oĩvéva 1.
Ehecha “Profesía”, diksionário oĩva ko Bíbliape.