Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Romanos 13:1-14

13  Opavave* oñemoĩ vaʼerã mburuvichakuéra poguýpe, umi mburuvicha oĩgui Ñandejára opermiti rupínte, ha umi oĩva guive haʼe hína Ñandejára omoĩ vaʼekue.  Upéicharõ, pe oñemoĩva mburuvichakuérare oñemoĩ hína Ñandejára omoĩ vaʼekuére; ha umi oñemoĩva upévare oñekondenáta.  Umi ogovernáva noĩri upépe omongyhyje hag̃ua umi hembiapo porãvape, síno umi hembiapo vaívape. Upéicharõ, nderekyhyjeséiramo mburuvichakuéragui, esegi ejapo pe iporãva ha haʼekuéra ndeguerohorýta.  Umi mburuvicha ningo Ñandejára rembijokuái, ha oñemoĩ ideprovécho hag̃ua ndéve. Péro rejapóramo ivaíva, rekyhyje vaʼerã, cháke haʼekuéra oreko podér* oporokastiga hag̃ua, ha ndorekoreíri upéva. Haʼekuéra hína Ñandejára rembijokuái okastiga hag̃ua hembiapo vaívape.  Upéicharõ, tekotevẽterei peñemoĩ ipoguypekuéra, ndahaʼéi pejekastigáta rupínte, síno avei pene konsiénsia* rehehápe.  Upévare peẽ pepaga umi impuésto; umi mburuvicha haʼégui Ñandejára rembijokuái oservíva umi héntepe. Ha haʼekuéra akóinte ojapo hembiapo.  Pemeʼẽ enterovévape umi mbaʼe ojeruréva peẽme. Ojerurévape impuésto, pemeʼẽ chupe pe impuésto; oipotávape pepaga ótra kósare, pepaga chupe; oipotávape peneñeʼẽrendu, peneñeʼẽrendu vaʼerã; oipotávape pemombaʼe chupe, pemombaʼe vaʼerã.  Ani pedeve mbaʼeve avavépe, síno ko mbaʼe: pejoayhu vaʼerã. Pe ohayhúva hapichápe okumplíma pe Léi*.  Pe Léi heʼíva: “Ndovaléi reporomoakãratĩ, ndovaléi reporojuka, ndovaléi remonda, ndovaléi ndetaryrýi”, ha entéro umi ótro mandamiénto añetehápe haʼe peteĩ léinte, upéva hína: “Rehayhu vaʼerã nde rapichápe nde rejehayhuháicha”. 10  Pe oporohayhúva ndojapói ivaíva hapicháre; upéicharõ pe oporohayhúva okumpli hína pe Léi. 11  Pejapo avei upéva peikuaágui mbaʼe tiémpopepa jaiko. Og̃uahẽma pe óra pepáy hag̃ua. Koʼág̃a ñande salvasión hiʼag̃uivéma yma jajerovia ypýrõ guarégui. 12  Koʼág̃a pyharepytéma ha pe ára hiʼag̃uimbaitéma. Upévare, jahejákena umi tembiapo pytũmbýpe ojejapóva ha ñamonde pe armadúra ojeporúva arakuépe. 13  Ñanderekoporãkena jaikoramoguáicha arakuépe, ani jaiko jafarrea itarovávaicha, ani ñandekaʼu ni ñanderekovai, ani ñanerembiapo vai ñatĩʼỹre*, ani ñañorairõ ni ñandepochy*. 14  Upéva rangue, ñahaʼanga* ñande Ruvicha Jesucrístope, ha ani jaiko jakalkula mbaʼéichapa jajapóta ñane rembipota vai.

Nóta

Griégope heʼi: “Opavave álma”. Ehecha “Álma”, Informasión Oĩvéva 7A-pe.
Griégope heʼi: “espáda”.
Ehecha “Konsiénsia”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Ehecha “Conducta Desvergonzada”, diksionário oĩva ko Bíbliape.
Térã: “ñandeselóso”.
Griégope heʼi: “ñañemonde”.