Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Romanos 12:1-21

12  Upévare che ermanokuéra, Ñandejára ñandeporiahuvereko rupi, ajerure peẽme pemeʼẽ hag̃ua pende rete peteĩ sakrifísio oikovévaicha, imarangatúva ha Ñandejára oguerohorýva. Aipota avei peiporu pene arandu peservi hag̃ua chupe.  Anive pehaʼanga umi hénte oĩva ko múndope*, pekambia guei pepensa lája, ikatu hag̃uáicha peikuaa porã Ñandejára rembipota iporãva, hekopeguáva ha haʼe oguerohorýva.  Ñandejára imbaʼeporãiterei* rupi chendive, ajerure peẽme anive hag̃ua pepensa pendevaletereiha, pehechauka guei peneakãguapyha, ha penemanduʼa káda únope Ñandejára oipytyvõha ojerovia hag̃ua.  Ñande retépe oĩ heta párte, ha káda párte ojapo peteĩ mbaʼe idiferénteva.  Upéicha avei ñande jajoaju Cristo* rehe, ha oiko ñandehegui peteĩnte; ñande jareko heta párte ha káda uno ñaikotevẽ ojuehe.  Ñandejára imbaʼeporã rupi, ombokatupyry káda únope ojapo hag̃ua diferénte tembiapo. Upéicharõ, ñanembokatupyrýrõ japrofetisa* hag̃ua, japrofetisa vaʼerã, ha ñanemanduʼáke káda únope Ñandejára oipytyvõha ojerovia hag̃ua.  Ñanembokatupyrýrõ jaservi hag̃ua ótrope, japoroservi vaʼerã; pe oñembokatupyrýva oporomboʼe hag̃ua, omboʼe vaʼerã hapichápe.  Pe oñembokatupyrýva oñemoñeʼẽ hag̃ua, tosegi toñemoñeʼẽ hapichápe; pe orrepartíva, taipojera; pe oporomoakãva, tojapo kyreʼỹme; pe oiporiahuverekóva hapichápe, tojapo vyʼápe.  Peporohayhúkena tovamokõiʼỹre. Pejeguarúkena umi mbaʼe vaígui, ha pejoaju mbarete iporãvare. 10  Pejoayhúkena pende pyʼaite guive oñoermáno teéicha. Peñehaʼã peẽ raẽ pehechauka pemombaʼeha pende rapichápe. 11  Penekyreʼỹkena ha ani peneateʼỹ. Pehejáke espíritu sánto* tapenemombarete. Peservi Jehovápe* hembiguáiramo. 12  Pevyʼáke pe esperánsa perekóvare, peaguantáke pehasa asy jave ha peñemboʼe memékena. 13  Pekompartíke umi mbaʼe peguerekóva pene ermanokuérandi*, káda uno oikotevẽháicha. Akóintekena perresivi porã pende rapichakuérape. 14  Pejerure Ñandejárape tohovasa* umi pendepersegívape. Pejerure Ñandejárape tohovasa umi héntepe ha ani peñeʼẽ vai hesekuéra. 15  Pevyʼákena umi ovyʼáva ndive; ha penerasẽ umi hasẽva ndive. 16  Pemombaʼéke pende rapichápe peẽ peñemombaʼeháicha. Ani peñemombaʼeguasu, peñemomirĩ guei. Ani pepensa pendevaletereiha. 17  Avavépe ani pemyengovia ivaíva ivaívape. Peñehaʼã pejapo umi mbaʼe iporãva ha opavave oguerohorýva. 18  Peñehaʼãmbaitékena peiko pyʼaguapýpe enterove pende rapichakuéra ndive. 19  Ani peñevenga che ermanokuéra pohayhuetéva. Peheja guei Ñandejárape tohechauka ipochyha umi mbaʼe vai ojejapóvare. Ñandejára Ñeʼẽme ojehai voi: “Che añevengáta ha amyengoviáta chupekuéra hembiapo vaikuére, heʼi Jehová”. 20  Péro “ne enemígo iñembyahýiramo, emongaru chupe; ijyʼuhéiramo, emboyʼu. Péicha rejapóvo remoĩta hína tatapỹi iñakã ári”. 21  Ani reheja pe ivaíva ipuʼaka nderehe, síno akóinte ndepuʼaka vaʼerã ivaívare iporãvape.

Nóta

Ehecha “Múndo”, diksionário oĩva ko Bíbliape.
Térã: “ohechauka rupi mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Ehecha “Profesía”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Ehecha Informasión Oĩvéva 1.
Griégope heʼi: “umi imarangatúvandi”.
Térã: “tovendesi”. Ehecha “Vendisión”, diksionário oĩva ko Bíbliape.