Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Mateo 18:1-35

18  Upérõ, ou Jesús rendápe idisipulokuéra* ha heʼi: “¿Mávapa añetehápe tuichave hína pe Rréino yvagapeguápe?”.  Upémarõ haʼe ohenói peteĩ mitãʼi, omoĩ imbytepekuéra  ha heʼi: “Añetehápe haʼe peẽme: Napekambiáiramo pepensa lája, ha peiko mitãicha, ni mbaʼevéicharõ ndapeikemoʼãi pe Rréino yvagapeguápe.  Upévare, oimeraẽ oñemomirĩva ko mitãicha, péva hína pe tuichavéva pe Rréino yvagapeguápe.  Ha oimeraẽ orresivíva peteĩ mitãmi koichaguápe che rérape, chéve avei cherresivi hína.  Péro oimeraẽ omoñepysangáva peteĩva koʼã michĩvévape ojeroviáva cherehe, iporãve vaʼerã voi oñeñapytĩramo ijajúrare peteĩ ita guasu* ha upéi ojepoi pe mar ipypukuvehápe.  ”¡Tuicha hoʼa vaíta ko múndope* omoñepysanga rupi umi héntepe! Añetehápe oĩtamante voi umi oporomoñepysangáva. ¡Péro tuicha hoʼa vaíta umi ojapóvape upéicha!  Upévare, nde po térã nde py nemoñepysangáramo, eikytĩ ha emombo mombyry ndehegui. Iporãve ningo resegi reikove peteĩ nde po térã peteĩ nde pýrente, rejepoi rangue mokõive nde po ha mokõive nde py reheve tatarendy ogueʼỹvape arakaʼeve*.  Upéicha avei, nde resa nemoñepysangáramo, eipeʼa ha emombo mombyry ndehegui. Iporãve ningo resegi reikove peteĩ nde resárente, rejepoi rangue mokõive nde resa reheve tatarendýpe Gehénape. 10  Upévare, aníkena peapoʼi ni peteĩva koʼã michĩvévape. Cháke añetehápe haʼe peẽme, umi ánhel oñangarekóva hesekuéra, akóinte oĩ che Ru yvagapegua renondépe. 11*  —— 12  ”¿Mbaʼépa peẽ peje? Peteĩ kuimbaʼe oguerekórõ cien ovecha, ha upéi okañy chugui peteĩ, ¿ndohejamoʼãipa umi noventa y nueve pe sérro ári ha oñepyrũ oheka upe okañy vaʼekue? 13  Ha otopáramo, katuete ovyʼavéta upe peteĩmíre, ovyʼa rangue umi noventa y nueve ovecha nokañýi vaʼekuére. 14  Upéicha avei, che Ru oĩva yvágape ndoipotái oñehundi ni peteĩ koʼã michĩvéva jepe. 15  ”Avei ne ermáno opekáramo, tereho ha pene añoháme ehechauka chupe mbaʼépepa ofalla. Nerendúramo, reipytyvõ chupe oho jey hag̃ua tape porãre. 16  Péro nanerendúiramo katu, egueraha nendive peteĩ térã mokõime, ikatu hag̃uáicha mokõi térã mbohapy testígo heʼíva rupive, ojekuaa añetépa opa ojeʼéva. 17  Ha nohendúiramo chupekuéra, eñeʼẽ kongregasiónpe*. Ha nohendúiramo ni kongregasiónpe katu, etrata chupe tetã ambueguáramo ha impuésto kovraháramo. 18  ”Añetehápe haʼe peẽme: Oimeraẽ mbaʼe peñapytĩva ko yvýpe, umíva oñeñapytĩma yvágape. Ha oimeraẽ mbaʼe pejoráva ko yvýpe, umíva ojejoráma yvágape. 19  Haʼe jeýta peẽme: Oĩrõ mokõi pende apytépe oñemoĩva peteĩ ñeʼẽme ojerure hag̃ua oimeraẽ mbaʼe iñimportánteva, che Ru yvagapegua omeʼẽta chupekuéra upe ojeruréva. 20  Oĩháme mokõi térã mbohapy oñembyatýva che rérape, che avei aime upépe ijapytepekuéra”. 21  Upéi Pedro ou ha heʼi chupe: “¿Che Ruvicha, mboy vésepa aperdona vaʼerã che ermánope ofalláramo chendive? ¿Siete vése piko?”. 22  Jesús heʼi: “Ndaʼéi ndéve siete vése, setenta y siete vése voi katu. 23  ”Upévare pe Rréino yvagapegua ojogua peteĩ rréipe, oipota vaʼekue hembiguaikuéra opaga chupe odevéva. 24  Oñepyrũvo okovra chupekuéra, ojegueru hendápe peteĩ kuimbaʼe odevéva chupe diez mil talénto*. 25  Péro ndoguerekói rupi opaga hag̃ua, pe rréi heʼi oñevende hag̃ua upe kuimbaʼépe, hembireko, itaʼyrakuéra, ha opa mbaʼe orekóva, ikatu hag̃uáicha ojepaga upe odevéva. 26  Upémarõ pe kuimbaʼe ou oñesũ henondépe ha ojerure asy chupe: ‘Cheraʼarõmiéna sapyʼami, ha apagapaitéta ndéve la adevéva’. 27  Ohechávo upéva pe rréi oiporiahuverekoiterei hembiguáipe. Upévare operdona chupe upe odevéva ha oheja oho. 28  Péro upe tembiguái osẽvo, otopa ótro tembiguáire odevéva chupe cien denário*; ojagarra ijajúragui ojuvy hag̃uáicha voi chupe, ha heʼi: ‘Epagáke chéve la redevéva’. 29  Upévo upe hapicha oñesũ henondépe ha ojerure asy chupe: ‘Cheraʼarõmiéna ha apagapaitéta ndéve’. 30  Haʼe katu ndoikuaaséi mbaʼeve, ha oguerahauka chupe kárselpe opagapa peve pe odevéva. 31  Umi iñirũnguéra ohecha umi mbaʼe oikóva ha ombyasyeterei voi, upémarõ oho omombeʼupaite hikuái pe rréipe opa mbaʼe oiko vaʼekue. 32  Upe rire pe rréi ohenoika chupe ha heʼi: ‘Nde tembiguái aña, che aheja reínte kuri ndéve nde deveha rejerure asýrõ guare chéve. 33  ¿Ndaikatúi piko nde avei reiporiahuverekomi nde rapichápe, che roiporiahuvereko haguéicha?’. 34  Pe rréi ipochyeterei hese, ha omeʼẽ umi guárdiape ogueraha hag̃ua chupe kárselpe opagapa peve upe odevéva. 35  Péicha avei ojapóta penderehe che Ru yvagapegua, napeperdonáiramo pende pyʼaite guive pene ermánope”.

Nóta

Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Yma ojeporu ita guasu oñemolina hag̃ua trígo, ha peteĩ vúrro ombojere umichagua molíno.
Ehecha “Múndo”, diksionário oĩva ko Bíbliape.
La Bíbliape ojeporu jepi pe ñeʼẽ tata ohechauka hag̃ua ñehundi opa ára g̃uarã. Ehecha Apc 19:20. Ehecha avei “Gehena”, Informasión Oĩvéva 9-pe.
Oĩ traduksión omoĩva ko versíkulo, péro heta manuskríto griégo yma guare iñimportánteva nomoĩri.
Ehecha “Kongregasión”, diksionário oĩva ko Bíbliape.
Ehecha “Talénto”, diksionário oĩva ko Bíbliape.
Ehecha “Denário”, diksionário oĩva ko Bíbliape.