Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Mateo 11:1-30

11  Ohekomboʼepa rire umi doce idisípulope*, Jesús osẽ oho upégui, oporomboʼe ha opredika hag̃ua ambue siudakuérare.  Juan katu oĩ kárselpe, ha oñemombeʼu chupe umi mbaʼe Cristo* ojapóva. Upémarõ omondo hendápe idisipulokuérape,  ha haʼekuéra oporandu Jesúspe: “¿Nde piko hína pe Ñandejára opromete vaʼekue omboutaha, térãpa oúta ótro kuimbaʼe?”.  Jesús ombohovái chupekuéra: “Tapeho pemombeʼu Juánpe koʼã mbaʼe pehecha ha pehendúva:  Umi siégo ohecha jey, ndoguatáiva oguata, iléprava okuera, ohenduʼỹva ohendu, omanóva oñemopuʼã jey ha umi imboriahúvape ojekuaauka marandu porã*.  Ovyʼa pe ojeroviáva cherehe* pyʼamokõiʼỹre”.  Koʼãva oho rire, Jesús oñepyrũ heʼi umi héntepe Juan rehe: “¿Mbaʼépa pesẽ raʼe pehecha pe desiértope? ¿Peho piko pehecha peteĩ takuára yvytu ombokacha vaipáva?  ¿Mbaʼe piko pesẽ raʼe pehecha? ¿Peteĩ kuimbaʼe omondéva ao porã ha omimbipáva piko? ¡Umi oiporúva ao iporãva ningo oiko mburuvichakuéra rógape!  Amo ipahápe, ¿maʼerã pesẽ raʼe? ¿Pehecha hag̃ua peteĩ profétape piko? Añetehápe haʼe peẽme, haʼe tuichave jey hína peteĩ profétagui. 10  Ñandejára Ñeʼẽme ojehai voi hese: ‘¡Péina! Che amondo hína ne renonderã che mensahéro, haʼe opreparáta ndéve nde raperã’. 11  Añetehápe haʼe peẽme: Ndaipóri ko yvy ape ári ni peteĩ tuichavéva Juan el Bautístagui; péro pe michĩvéva pe Rréino yvagapeguápe, tuichave chugui. 12  Juan el Bautista tiémpo guive, koʼág̃a peve, umi kuimbaʼekuéra oñehaʼãmbaite ohupyty pe Rréino yvagapegua, ha umi kyreʼỹme oñehaʼãva, ohupyty upéva. 13  Juan tiémpo peve, entéro, umi Proféta ha pe Léi*, omombeʼu mbaʼépa oikóta tenonderã. 14  Ha peẽ ndapegueroviaséiramo jepe: Haʼe hína ‘Elías, umi proféta heʼi vaʼekue outaha’. 15  Pe ikatúva ohendu, tojapysaka porã. 16  ”¿Mávarepa ikatu ambojoja umi hénte oikóva ko tiémpope*? Ojogua hikuái umi mitã oguapýva plásape*, ha osapukáiva iñirũnguérape: 17  ‘Rombopu peẽme fláuta ha ndapejerokýi, orerasẽ ha napeñembyasýi*’. 18  Upéicha avei, Juan ou ha ndokarúi ni ndoʼúi víno umi ótroicha, péro peẽ peje: ‘Kóva oñendemonia’. 19  Pe Yvypóra Raʼy* katu okaru ha hoʼu víno, ha peje: ‘¡Pévango ikaʼu* ha okaruhárente voi oiko, ojeheʼa umi pekadór ha impuésto kovraháre!’. Amo ipahápe ningo, jajapóvare ojekuaa ñanearandúpa”. 20  Upéi Jesús oñepyrũ ojaʼo umi siuda ojapo haguépe hetave milágro, noñarrepentíri* rupi hikuái: 21  “¡Aichejáranga Corazín! ¡Aichejáranga Betsaida! Umi milágro ojejapo vaʼekue pende siudápe ojejapórire Tiro ha Sidónpe, haʼekuéra yma oñarrepenti vaʼerãmoʼã, omonde ao chalái* ha oguapy tanimbúpe. 22  Upévare haʼe peẽme: Pe Huísio Árape* hoʼa vaivéta peẽme, Tiro ha Sidóngui. 23  Ha nde Capernaum, ¿reimoʼã piko rejehupitaha yvága peve? Reñemboguejýta guei pe sepultúra* peve; umi milágro ojejapo vaʼekue nde siudápe ojejapórire Sodómape, upe siuda opyta vaʼerãmoʼã koʼág̃a peve. 24  Upévare haʼe peẽme: Pe Huísio Árape hoʼa vaivéta peẽme, Sodómagui”. 25  Upérõ Jesús heʼi: “Rombotuicha opavave rovake che Ru, yvága ha yvy Ruvicha, reñomi haguére koʼã mbaʼe umi iñarandu ha iñakãporãvagui ha reikuaauka umi mitãme. 26  Nde reipotágui che Ru, upéicha oiko. 27  Che Ru ningo omoĩ che poguýpe opa mbaʼe. Pe Túva añoite oikuaa porã pe Taʼýrape ha pe Taʼýra añoite oikuaa porã pe Túvape. Ha pe Taʼýra omombeʼuséramo ótro tapichápe mávapa pe Túva, upéva oikuaa porãta avei chupe. 28  Peju che rendápe enterove peẽ pembaʼapo jejopy ha pendekárga pohýiva, ha che pombopiroʼýta. 29  Pehupi pende ári che júgo ha peaprende chehegui. Che ningo ndachepochyreíri ha añemomirĩ che pyʼaite guive, upévare katuete pombopiroʼýta*. 30  Che júgo napendeforsamoʼãi ha che kárga ivevýi”.

Nóta

Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Ehecha “Cristo”, diksionário oĩva ko Bíbliape.
Ehecha “Marandu Porã”, diksionário oĩva ko Bíbliape.
Griégope heʼi: “noñepysangáiva”.
Ehecha “Léi”, diksionário oĩva ko Bíbliape.
Ehecha “Umi Hénte Oikóva ko Tiémpope”, diksionário oĩva ko Bíbliape.
Térã: “merkádope”.
Térã: “ndapejepytiʼanupãi ñembyasýgui”.
Ehecha “Yvypóra Raʼy”, diksionário oĩva ko Bíbliape.
Griégope heʼi: “hoʼu meme víno”.
Ehecha “Arrepentimiénto”, diksionário oĩva ko Bíbliape.
Ao ohechaukáva ñembyasy ha vyʼaʼỹ.
Ehecha “Huísio Ára”, diksionário oĩva ko Bíbliape.
Griégope heʼi: “Hades”, ehecha Informasión Oĩvéva 8.
Griégope heʼi: “ambopiroʼýta pene álma”. Ehecha “Álma”, Informasión Oĩvéva 7A-pe.