Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Lucas 3:1-38

3  Tiberio César* ogovernárõ guare quince áño, Poncio Pilato avei governadór Judéape, Herodes katu ogoverna Galiléape. Ha iñermáno Felipe ogoverna Iturea ha Traconítidepe. Avei Lisanias ogoverna Abilénepe.  Upe tiémpope Anás haʼe vaʼekue Saserdóte Guasu* ha Caifás saserdóte* avei. Upérõ Ñandejára oñeʼẽ Juánpe, Zacarías raʼy, pe desiértope.  Upémarõ haʼe oike opredika opárupi Jordán jerére, ha heʼi umi héntepe ojevautisa* vaʼerãha ohechauka hag̃ua oñarrepentiha*, ikatu hag̃uáicha oñeperdona chupekuéra ipekádo.  Ojehai haguéicha proféta* Isaías kuatiañeʼẽme: “¡Pehendúke! Oĩ osapukáiva pe desiértore: ‘Pepreparáke Jehová* rape, pembojoja asy pe tape oĩva henonderã.  Entéro umi yvykua ojejatypa vaʼerã ha opa montáña ha sérro oñembojoja vaʼerã. Umi tape ikarẽva opyta vaʼerã derécho asy, ha umi ivaiha katu ojoja asy vaʼerã.  Ha opavave umi hénte ohecháta mbaʼéichapa Ñandejára oporosalváta’”.  Upévare Juan heʼi umi hénte oúvape ojevautisa hag̃ua: “Peẽ mbói ñemoñare, ¿máva piko heʼi peẽme ikatutaha pekañy Ñandejára ára pochýgui?  Upévare, pehechaukáke peñarrepentiha pene rembiapo rupive ha ani peje pendejupe: ‘Ore ru ningo Abrahán’. Che haʼe peẽme Ñandejára orekoha podér koʼã itágui jepe omopuʼã hag̃ua Abrahánpe ifamiliarã.  Pe hácha oĩma hína oikytĩ hag̃uáicha umi yvyramáta hapo guive. Upévare, entéro yvyramáta ndahiʼaporãiva ojeitýta ha ojepoíta tatápe”. 10  Ha umi henteita oporandu chupe: “¿Mbaʼe piko upéicharõ rojapo vaʼerã?”. 11  Haʼe ombohovái chupekuéra: “Orekóva mokõi ao tomeʼẽ orekoʼỹvape ha orekóva hiʼupy tojapo avei upéicha”. 12  Umi impuésto kovraha jepe ou ojevautisa hag̃ua ha heʼi chupe: “Mboʼehára, ¿mbaʼépa rojapo vaʼerã?”. 13  Haʼe heʼi chupekuéra: “Ani pekovrarasapa pe impuésto”. 14  Ha umi soldadokuéra oporandu avei: “¿Mbaʼépa rojapo vaʼerã?”. Haʼe heʼi chupekuéra: “Ani mbaretépe peipeʼa pláta pende rapichágui ni peñeʼẽ rei hesekuéra. Ha peñekontenta vaʼerã oñemeʼẽvare peẽme”. 15  Upérõ umi hénte ohaʼarõjoa og̃uahẽ pe Cristo* ha upévare enterovénte oñepyrũ okalkula ipyʼapypekuéra Juan rehe: “¿Ndahaʼeichénepa kóva hína pe Cristo?”. 16  Juan ombohovái ha heʼi enterovépe: “Che ningo povautisa ýpe, che rire oúva katu imbareteve hína chehegui ha namereséi ni isandália sã jepe ajora. Haʼe pendevautisáta espíritu sánto* ha tatápe. 17  Ipópe oreko pe trígo omboveveha, omopotĩmbaitéta pe lugár ikóga ojykyiha ha oñongatúta itrígo galpónpe*. Ha pe hakãngue katu ohapýta tata ikatuʼỹvape oñembogue”. 18  Juan heta oñemoñeʼẽ umi héntepe ha akóinte omombeʼu chupekuéra marandu porã*. 19  Rréi Heródespe katu omongavaju oiko haguére iñermáno rembireko Herodías ndive, ha ojapo haguére hetave mbaʼe vai. 20  Upévare Herodes omondo chupe kárselpe ha péicha ombohetave hembiapo vaikue. 21  Upéi entéro umi hénte ojevautisa rire, Jesús ojevautisa avei, ha oñemboʼe aja yvága ojavri. 22  Ha pe espíritu sánto oguejy hiʼári peteĩ palómaicha ha yvágagui oñehendu peteĩ heʼíva: “Nde hína che Raʼy ahayhuete ha aguerohorýva”. 23  Oñepyrũrõ guare oporomboʼe Jesús oreko treinta áñorupi ha ojeʼe haʼeha José raʼy, Helí raʼy, 24  Matat raʼy, Leví raʼy, Melquí raʼy, Janaí raʼy, José raʼy, 25  Matatías raʼy, Amós raʼy, Nahúm raʼy, Eslí raʼy, Nagai raʼy, 26  Maat raʼy, Matatías raʼy, Semeín raʼy, Josec raʼy, Jodá raʼy, 27  Joanán raʼy, Resá raʼy, Zorobabel raʼy, Sealtiel raʼy, Nerí raʼy, 28  Melquí raʼy, Adí raʼy, Cosam raʼy, Elmadam raʼy, Er raʼy, 29  Jesús raʼy, Eliezer raʼy, Jorim raʼy, Matat raʼy, Leví raʼy, 30  Simeón raʼy, Judas raʼy, José raʼy, Jonam raʼy, Eliaquim raʼy, 31  Meleá raʼy, Mená raʼy, Matatá raʼy, Natán raʼy, David raʼy, 32  Jesé raʼy, Obed raʼy, Boaz raʼy, Salmón raʼy, Nahsón raʼy, 33  Aminadab raʼy, Arní raʼy, Hezrón raʼy, Pérez raʼy, Judá raʼy, 34  Jacob raʼy, Isaac raʼy, Abrahán raʼy, Taré raʼy, Nacor raʼy, 35  Serug raʼy, Reú raʼy, Péleg raʼy, Éber raʼy, Selah raʼy, 36  Cainán raʼy, Arpaksad raʼy, Sem raʼy, Noé raʼy, Lamec raʼy, 37  Matusalén raʼy, Enoc raʼy, Jared raʼy, Mahalaleel raʼy, Cainán raʼy, 38  Enós raʼy, Set raʼy, Adán raʼy, Ñandejára raʼy.

Nóta

Péicha oñehenói vaʼekue umi mburuvicha guasúpe Rómape.
Ehecha “Saserdóte Guasu”, diksionário oĩva ko Bíbliape.
Ehecha “Saserdóte”, diksionário oĩva ko Bíbliape.
Ehecha “Vautísmo”, diksionário oĩva ko Bíbliape.
Ehecha “Arrepentimiénto”, diksionário oĩva ko Bíbliape.
Ehecha “Profesía”, diksionário oĩva ko Bíbliape.
Ehecha Informasión Oĩvéva 1.
Ehecha “Cristo”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Térã: “sílope”.
Ehecha “Marandu Porã”, diksionário oĩva ko Bíbliape.