Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Juan 17:1-26

17  Jesús heʼi rire koʼã mbaʼe, omaña yvága gotyo ha heʼi: “Che Ru, og̃uahẽma pe óra, embotuichána nde raʼýpe, nde raʼy nembotuicha hag̃ua avei.  Nde remoĩ ipoguýpe opavave yvypóra, ikatu hag̃uáicha haʼe omeʼẽ jeikove opaveʼỹva opa umi chupe remeʼẽ vaʼekuépe.  Umi hénte ohupyty hag̃ua jeikove opaveʼỹva, tekotevẽ ndekuaa porãve ohóvo, nde Ñandejára teete ha peteĩetévape ha Jesucrístope, upe nde rembou vaʼekue.  Che rombotuicha ko yvy ape ári ha amohuʼã pe tembiapo remeʼẽ vaʼekue chéve.  Upévare che Ru, chegueraha jeýna yvágape aĩ hag̃ua nde ykére, aime haguéicha oĩ mboyve ko múndo*.  ”Umi hénte oĩ vaʼekue ko múndope ha remeʼẽva chéve, umívape aikuaauka nde réra. Haʼekuéra nembaʼe vaʼekue ha remeʼẽ chéve, ha ojapo hikuái nde eréva.  Koʼág̃a oikuaáma hikuái opa mbaʼe remeʼẽ vaʼekue chéve ouha ndehegui.  Amombeʼu chupekuéra nde ere vaʼekue chéve, ha oguerovia hikuái; ha añetehápe oikuaa ajuha nde rérape ha oguerovia nde chembou hague.  Che ajerure ndéve hesekuéra, péro ndajeruréi ko múndore. Umi nde remeʼẽ vaʼekue chéve, umívarente ajerure, haʼekuéra nembaʼégui. 10  Opa mbaʼe che arekóva nembaʼe, ha umi mbaʼe nde rerekóva chembaʼe, ha haʼekuéra chembotuicha. 11  ”Che ahejáta ko múndo ha aháta ne rendápe, péro haʼekuéra oĩ gueteri ko múndope. Upévare che Ru marangatu, eñatendemíkena hesekuéra nde réra remeʼẽ vaʼekue chéve rehehápe. Péicha oiko hag̃ua chuguikuéra peteĩnte, ñande peteĩnteháicha avei. 12  Che aĩ aja hendivekuéra añatende hesekuéra nde réra remeʼẽ vaʼekue chéve rehehápe. Añangareko hesekuéra ha ni peteĩva noñehundíri. Péro oñekumpli hag̃ua ne Ñeʼẽme heʼíva, oñehundi pe oñehundi vaʼerãnte voi. 13  Koʼág̃a katu aháta ne rendápe, ha amombeʼu koʼã mbaʼe aime aja gueteri ko múndope, ikatu hag̃uáicha haʼekuéra ovyʼaiterei che avyʼaháicha avei. 14  Che ameʼẽ chupekuéra ne ñeʼẽ, péro ko múndo ndaijaʼéi hesekuéra, haʼekuéra ndojeheʼáigui ko múndore, ha che avei ndajeheʼái ko múndore. 15  ”Ndajeruréi ndéve renohẽ hag̃ua chupekuéra ko múndogui, síno reñangareko hag̃ua hesekuéra oĩgui pe aña. 16  Haʼekuéra ndojeheʼái ko múndore, ha che avei ndajeheʼái ko múndore. 17  Emomarangatu chupekuéra pe añetegua rupive, ne ñeʼẽ hína pe añetegua. 18  Nde chembou haguéicha ko múndope, che avei amondo chupekuéra ko múndope. 19  Che akóinte chemarangatu hesehapekuéra. Ajapo upéicha ikatu hag̃uáicha haʼekuéra imarangatu avei pe añetegua rupive. 20  ”Che ndajeruréi ndéve hesekuéra añónte, ajerure avei umi ojeroviátavare cherehe ohendu rire chupekuéra. 21  Péicha oiko hag̃ua chuguikuéra peteĩnte, nde che Ru reimeháicha chendive ha che aime nendive, haʼekuéra avei toĩ ñanendive, pe múndo oguerovia hag̃ua nde chembou hague. 22  Che avei ambotuicha chupekuéra, nde chembotuicha haguéicha, ikatu hag̃uáicha oiko chuguikuéra peteĩnte, ñande peteĩnteháicha avei. 23  Che aime hendivekuéra, ha nde reime chendive, haʼekuéra añetehápe oĩmba hag̃ua oñondive. Ha péicha ko múndo oikuaáta nde chembou hague, ha rehayhuha chupekuéra, chéve cherayhuháicha. 24  Che Ru, aipota umi remeʼẽ vaʼekue chéve oĩ avei chendive pe che aĩháme, ohecha hag̃ua hikuái nde chembotuichaha, cherayhúgui ko múndo oñepyrũ mboyve guive. 25  Che Ru akóinte nderekojojáva, ko múndo nandekuaái, che katu roikuaa, ha koʼãva oikuaa nde chembou hague. 26  Che aikuaauka chupekuéra nde réra ha aikuaaukáta gueteri, ikatu hag̃uáicha haʼekuéra oporohayhu nde cherayhu haguéicha ha che aime hag̃ua hendivekuéra”.

Nóta

Ehecha “Múndo”, diksionário oĩva ko Bíbliape.