Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Juan 15:1-27

15  ”Che hína pe parrál máta teete, ha pe oñotỹva katu che Ru.  Umi parrál rakã oĩva cherehe ha ndahiʼáiva haʼe oipeʼa, ha umi hiʼáva katu omopotĩ hiʼa hetave hag̃ua.  Peẽ penepotĩma umi mbaʼe haʼe vaʼekue peẽme rupive.  Pepyta chendive ha che apytáta penendive. Pe parrál rakã ijehegui rei ndaikatúi hiʼa ndopytáiramo imátare, upéicha avei peẽ ndaikatumoʼãi penerembiapo porã ndapepytáiramo chendive.  Che hína pe parrál máta ha peẽ katu umi hakã. Oĩramo opytáva chendive ha che hendive, péva hiʼa heta, peẽ ndaikatúigui pejapo mbaʼeve chereheʼỹ.  Oĩramo ndopytáiva chendive, oñekytĩta parrál rakãicha ha ipirúta. Upe rire umíva oñembyaty ha ojepoi tatápe okái hag̃ua.  Pepytáramo chendive ha che ñeʼẽ oĩramo pene korasõme, ikatu pejerure oimeraẽ mbaʼe peipotáva ha oñemeʼẽta peẽme.  Akóinte penerembiapo porãramo ha pehechaukáramo peẽ haʼeha che disípulo*, pembotuicha hína che Túvape.  Che pohayhu pe Túva cherayhuháicha; peikókena che mborayhúpe. 10  Pejapóramo che mandamiénto, peikóta che mborayhúpe, péicha avei che ajapóvo pe Túva mandamiénto, aiko imborayhúpe. 11  ”Koʼã mbaʼe amombeʼu peẽme pevyʼa hag̃ua che avyʼaháicha. 12  Ko mandamiénto ameʼẽ peẽme: pejoayhu vaʼerã che pohayhu haguéicha. 13  Ndaipóri mborayhu tuichavéva kóvagui: ñameʼẽ ñande rekove* ñane amigokuéra rehehápe. 14  Peẽ hína che amígo, pejapóramo che haʼéva. 15  Che ndaʼevéima penderehe peẽ che rembiguaiha, peteĩ tembiguái ningo ndoikuaái mbaʼépa ojapo ipatrón. Upévare che koʼág̃a poguereko che amígoramo, aikuaaukágui peẽme opa mbaʼe che Ru heʼi vaʼekue chéve. 16  Peẽ ndacheporavói vaʼekue, che guei poiporavo ikatu hag̃uáicha akóinte penerembiapo porã, ha umíva opyta hag̃ua opa árare. Péicha oimeraẽ mbaʼe pejeruréva che rérape pe Túvape, haʼe katuete omeʼẽta peẽme. 17  ”Koʼã mbaʼe amanda peẽme ikatu hag̃uáicha pejoayhu. 18  Ko múndo* ndaijaʼéiramo penderehe, peẽ peikuaa cherehe raẽ ndaijaʼéi hague hikuái. 19  Peẽ peikórire ko múndoicha, haʼekuéra penderayhu vaʼerãmoʼã. Péro peẽ ndapejeheʼái ko múndore, che poiporavóma rupi ko múndogui, upévare haʼekuéra ndaijaʼéi penderehe. 20  Penemanduʼáke haʼéma hague peẽme: Peteĩ tembiguái ndaikatúi tuichave ipatróngui. Chéve chepersegíramo hikuái, peẽme avei pendepersegíta, haʼekuéra ojapóramo che haʼéva, ojapóta avei peẽ pejéva. 21  Péro haʼekuéra ojapóta penderehe opa koʼã mbaʼe che réra káusare, ndoikuaáigui upe chembou vaʼekuépe. 22  Che ndajúirire añeʼẽ chupekuéra, haʼekuéra ndorekói vaʼerãmoʼã pekádo, péro koʼág̃a ndaikatúi onega hikuái hembiapo vaiha. 23  Upe cherehe ndaijaʼéiva, ndaijaʼéi avei che Túvare. 24  Haʼekuéra ndorekói vaʼerãmoʼã pekádo ndohecháirire umi milágro ajapo vaʼekue, avave ojapoʼỹva gueteri. Péro koʼág̃a ohecháma hikuái ha ndaijaʼéi cherehe ni che Túvare. 25  Péicha oiko oñekumpli hag̃ua Ileikuérape* heʼíva: ‘Reiete ndaijaʼéi cherehe hikuái’. 26  Ou vove pene rendápe pe ajudánte, pe espíritu sánto* ohechaukáva pe añetegua ha oúva pe Túvagui, haʼe oñeʼẽta cherehe. 27  Peẽ avei peñeʼẽta cherehe peime rupi chendive añepyrũ guive apredika.

Nóta

Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Griégope heʼi: “ñane álma”. Ehecha “Álma”, Informasión Oĩvéva 7A-pe.
Ehecha “Múndo”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.