Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hechos 6:1-15

6  Umi árape, heta hetavévo ohóvo umi disípulo*, umi hudío oñeʼẽva griégope oñepyrũ ojeplagea umi hudío oñeʼẽva evréo kóntrape, ojeheja rei haguére iviudakuérape oñemeʼẽ jave káda día tembiʼu.  Upémarõ umi doce ohenoika entéro disípulope, ha heʼi: “Naiporãmoʼãi ningo ore roheja Ñandejára Ñeʼẽ, ha rorreparti tembiʼu.  Upévare ermanokuéra, peheka pende apytépe siete kuimbaʼe pende jeroviaha, henyhẽva espíritu sánto* ha arandúgui, romoĩ hag̃ua ikargokuérape ko tembiapo,  ore katu akóinte roñemboʼe ha romboʼe meméta Ñandejára Ñeʼẽ”.  Upe ojeʼéva iporã enterovépe g̃uarã, ha oiporavo hikuái Esteban, kuimbaʼe ijerovia mbaretéva ha henyhẽva espíritu sántogui, avei Felipe, Prócoro, Nicanor, Timón, Parmenas ha Nicolás Antioquiagua, haʼéngo oike vaʼekue hudiokuéra rrelihiónpe*.  Upéi ogueru chupekuéra umi apóstol* rendápe, ha haʼekuéra oñemboʼe rire omoĩ ipo hiʼarikuéra.  Péicha Ñandejára Ñeʼẽ ojekuaauka hetave hendárupi, ha umi disípulo heta hetave Jerusalénpe, avei heta saserdóte* oñepyrũ ojerovia.  Upérõ Esteban, henyhẽva pyʼaporã ha podérgui, ojapo heta milágro ha techapyrã umi hénte apytépe.  Péro una partída kuimbaʼe oúva Cirene, Alejandría, Cilicia, Ásiagui ha pe grúpo hérava Sinagóga de los Libertos*, oñomoirũ ha oñepyrũ odiskuti Estébanpe. 10  Upéicharõ jepe ndaikatúi ipuʼaka hese hikuái, haʼe iñaranduetereígui ha espíritu sánto oipytyvõ rupi chupe oñeʼẽ hag̃ua. 11  Upémarõ, ñemiháme omboliga hikuái una partída kuimbaʼépe heʼi hag̃ua: “Ore rohendu kuri haʼe otakyha* Moisés ha Ñandejárare”. 12  Upévo oiko peteĩ guarara umi hénte, umi mboʼehára leipegua* ha karai guasukuéra apytépe, ha peichaháguinte mbaretépe ojagarra hikuái Estébanpe ha ogueraha Sanedrínpe*. 13  Ogueru avei hikuái testígo japu heʼíva: “Ko kuimbaʼe, káda día oñeʼẽ vai ko témplo marangatúre ha pe Léi* rehe. 14  Rohendu voi heʼiha, aipo Jesús Nazaretgua jeko ohundíta ko lugár ha okambiapáta umi kostúmbre Moisés oheja vaʼekue ñandéve”. 15  Ha enterove umi oguapýva pe Sanedrínpe ojesareko aja Esteban rehe, ohecha pe hova haʼete voi peteĩ ánhel.

Nóta

Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Ehecha “Espíritu Sánto”, diksionário oĩva ko Bíbliape.
Griégope heʼi: “prosélito”.
Ehecha “Apóstol”, diksionário oĩva ko Bíbliape.
Ehecha “Saserdóte”, diksionário oĩva ko Bíbliape.
Sinagóga de los Libertos oiméne haʼe raʼe umi tembiguái isãsóva, ijapytepekuéra oĩ hudío ha umi oikéva hudío rrelihiónpe. Haʼekuéra oñembyaty vaʼekue oñemboʼe ha olee hag̃ua Ñandejára Ñeʼẽ.
Ehecha “Blasfemia”, diksionário oĩva ko Bíbliape.
Ehecha “Mboʼehára Leipegua”, diksionário oĩva ko Bíbliape.
Ehecha “Sanedrín”, diksionário oĩva ko Bíbliape.
Ehecha “Léi”, diksionário oĩva ko Bíbliape.