Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hebreos 8:1-13

8  Umi mbaʼe jaʼéva apytégui kóva hína pe iñimportantevéva: Jaguereko peichagua saserdóte guasu*, ha haʼe oguapy yvágape Ñandejára tróno deréchape.  Haʼe oservi pe lugár marangatúpe* ha pe óga kárpa teetévape, upéva Jehová* voi omoĩ vaʼekue ha ndahaʼéi peteĩ yvypóra.  Entéro saserdóte guasúpe oñenombra oikuaveʼẽ hag̃ua jopói ha sakrifísio; upévare tekotevẽ avei ko saserdóte* oguereko peteĩ mbaʼe oikuaveʼẽ hag̃ua.  Haʼe oĩrire ko yvy ape ári, ndaikatúi vaʼerãmoʼã oservi saserdóteramo, oĩma rupi kuimbaʼe oikuaveʼẽva umi jopói pe Léi* heʼiháicha.  Pe servísio omeʼẽva umi kuimbaʼe orrepresenta ha ohechaukánte umi mbaʼe yvagapegua. Péva ojehechauka Ñandejára omandárõ guare Moiséspe mbaʼéichapa ojapo vaʼerã pe óga kárpa*. Haʼe heʼi: “Eñatendéke rejapo hag̃ua opa mbaʼe ahechauka haguéicha ndéve pe modélo reimérõ guare pe sérrope”.  Péro koʼág̃a Jesúspe oñemeʼẽ peteĩ servísio iporãvéva, haʼégui mediadór* peteĩ kompromíso* iporãvévape g̃uarã. Kóva oñemopyenda umi promésa iporãvévape.  Pe primer kompromíso ndoguerekóirire mbaʼeve ivaíva, natekotevẽi vaʼerãmoʼã pe segundo kompromíso.  Ñandejára ohecha ivaíva umi héntere heʼívo: “‘¡Péina! Og̃uahẽ vaʼerã pe tiémpo’, heʼi Jehová, ‘ajapotaha peteĩ kompromíso umi Israel ha Judagua ndive.  Péva ndahaʼemoʼãi pe kompromíso ajapo vaʼekuéicha ituvakuéra ypykue ndive, ajagarrárõ guare chupekuéra ipógui ha aguenohẽ Egíptogui. Haʼekuéra omboyke rupi che kompromíso nañangarekovéi hesekuéra’, heʼi Jehová”. 10  “‘Kóva hína pe kompromíso ajapótava umi Israelgua ndive umi ára rire’, heʼi Jehová. ‘Amoĩta che Léi iñakãmekuéra ha ahaíta ikorasõme. Che haʼéta Ijarakuéra, ha haʼekuéra haʼéta che puévlo. 11  ”’Ha ni peteĩva haʼekuéra ndeʼimoʼãvéima ivesíno ni iñermánope: “Reikuaa vaʼerã Jehovápe”. Enterove haʼekuéra chekuaáta rupi, tahaʼe michĩvéva térã tuichavéva. 12  Che aperdonáta rupi chupekuéra hembiapo vaikue ha nachemanduʼamoʼãvéima ipekadokuérare.’” 13  Heʼívo “kompromíso pyahu”, ohechauka pe ótro kompromíso ndovaleveimaha. Pe ndovalevéimava ha itujámava, koʼẽrõite opaite vaʼerã.

Nóta

Ehecha “Saserdóte Guasu”, diksionário oĩva ko Bíbliape.
Ehecha “Lugár Marangatu”, diksionário oĩva ko Bíbliape.
Ehecha Informasión Oĩvéva 1.
Ehecha “Saserdóte”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Oiméne ojejapo mymba pirégui.
Ehecha “Mediadór”, diksionário oĩva ko Bíbliape.
Térã: “pákto ỹrõ kontráto”.