Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hebreos 7:1-28

7  Melquisedec, pe rréi Salemgua haʼéva Ñandejára Ijojahaʼỹva saserdóte, osẽ vaʼekue ohug̃uaitĩ Abrahánpe, haʼe oúrõ guare ojuka rire umi rréipe. Ha Melquisedec ojerure Ñandejárape ohovasa* hag̃ua Abrahánpe.  Abrahán katu omeʼẽ vaʼekue chupe diésmo opa mbaʼe oguerúvagui. Ñepyrũrã Melquisedec réra heʼise “Rréi Hekojojáva”; haʼe avei rréi Salemgua, péva heʼise “Rréi oguerúva Pyʼaguapy”.  Ndojekuaái mávapa itúva ni isy, ndaipóri lívro omombeʼúva mávapa ijypykue, arakaʼépa onase ni arakaʼépa omano. Péro oikógui chugui Ñandejára Raʼy joguaha, haʼe opyta saserdóteramo opa ára g̃uarã.  Pehecha upéicharõ mbaʼeichaitépa tuicha vaʼekue ko kuimbaʼe, chupe ñande ru ypykue Abrahán omeʼẽ vaʼekue pe diésmo umi mbaʼe iporãvéva oguerúvagui.  Añetehápe, pe Léi* omanda Leví raʼykuérape oservíva saserdóteramo, ombyaty vaʼerãha pe diésmo umi héntegui; upéva heʼise ombyaty vaʼerãha iñermanokuéragui, haʼéramo jepe hikuái Abrahán familiare.  Péro pe kuimbaʼe ndoúiva Leví familiarégui, ojagarra pe diésmo Abrahángui, ha ojerure Ñandejárape tohovasa upe ohupyty vaʼekuépe Ñandejára promésa.  Koʼág̃a avave ndaikatúi onega pe tuichavéva ojerureha Ñandejárape tohovasa pe michĩvévape*.  Umi levíta orresivíva umi diésmo, haʼe vaʼekue kuimbaʼe omanótava; péro pe ótro kuimbaʼe orresivíva umi diésmo, Ñandejára Ñeʼẽ heʼi haʼe oikoveha.  Ha ikatu voi jaʼe Leví orresivíramo jepe umi diésmo, opaga hague avei diésmo Abrahán rupive. 10  Haʼe ningo nonaséi gueteri, Melquisedec ohug̃uatĩrõ guare Abrahánpe. 11  Upéicharõ, umi saserdóte oúva Leví familiarégui oipytyvõramo umi héntepe ohupyty hag̃ua perfeksión (upéva peteĩ párte iñimportánteva oĩva pe Léi oñemeʼẽ vaʼekuépe umi héntepe), ¿maʼerã piko oñekotevẽta ótro saserdóte oservíva Melquisedec oservi haguéicha ha ndahaʼéi Aarón oservi haguéicha? 12  Umi saserdóte rembiapo oñekambiáramo, tekotevẽ oñekambia avei pe Léi. 13  Pe kuimbaʼe ñañeʼẽha haʼe vaʼekue ótro trivugua, ha upe trívugui avave ndoservíri vaʼekue saserdóteramo pe altárpe*. 14  Jaikuaa porãiterei ñande Ruvicha ouha Judá familiarégui, péro Moisés ndeʼíri ni peteĩ saserdóte ouha upe trívugui. 15  Ha upéva hesakã porãvéntema opuʼãvo ótro saserdóte oservíva Melquisedec oservi haguéicha. 16  Haʼe oservi saserdóteramo, ndahaʼéi oúgui Leví familiarégui ojerureháicha pe Léi, síno orekógui podér omeʼẽva chupe tekove ikatuʼỹva oñehundi. 17  Péicha ojeʼe hese Ñandejára Ñeʼẽme: “Nde hína peteĩ saserdóte, haʼe haguéicha avei Melquisedec, ha reservíta saserdóteramo opa ára g̃uarã”. 18  Upéicharõ, pe mandamiénto yma guare oñemboyke, ikangy ha ndovaléi rupi. 19  Pe Léi noipytyvõi avavépe ohupyty hag̃ua perfeksión, péro pe esperánsa iporãvéva Ñandejára omeʼẽva, oipytyvõ opa mbaʼe perfékto hag̃ua; ha upéva rupive ñande ñañemoag̃ui hese. 20  Hiʼarive Ñandejára ohura omoĩrõ guare Jesúspe saserdóteramo. 21  (Añetehápe oĩ kuimbaʼe oservíva saserdóteramo ha Ñandejára ndohurái hesekuéra, péro oĩ peteĩ kuimbaʼe Ñandejára ohura vaʼekue hese heʼírõ guare: “Jehová* ohuráma ha nopyrũmoʼãi iñeʼẽre: ‘Nde reservíta saserdóteramo opa ára g̃uarã’”.) 22  Ha Jesúspe oñemeʼẽ ogaranti hag̃ua pe kompromíso* iporãvévare. 23  Avei umi saserdóte omanóvo, ndaikatuvéima oservi saserdóteramo ha ótro opyta hekovia ha osegi ojapo upe tembiapo. 24  Péro Jesús oikove rupi opa árare, natekotevẽi ótro oservi saserdóteramo hekovia. 25  Upévare Jesús añetehápe ikatu osalva entéro umi oñemoag̃uívape Ñandejárare haʼe rupive. Haʼe ningo akóinte oikove ojerure hag̃ua hesehapekuéra. 26  Upéicharõ, iporã ñandéve g̃uarã jareko peichagua saserdóte guasu*, ojepytasóva Ñandejára ykére, ndojapóiva ivaíva, hekopotĩva, ni mbaʼevéicharõ ndojoguáiva umi pekadórpe, ha oĩva yvateve yvága ruʼãgui. 27  Haʼe natekotevẽi oikuaveʼẽ sakrifísio káda día, primero ipekádore ha upéi umi hénte pekádore, ojapoháicha umi ótro saserdóte guasu. Haʼe ojapóma upéva una ves ha opa ára g̃uarã ojesakrifikávo ijupe voi. 28  Umi kuimbaʼe oñemoĩva saserdóte guasúramo pe Léi rupive ningo pekadór meme, péro pe huraménto ojejapo vaʼekue pe Léi rire omoĩ saserdóteramo Ñandejára Raʼýpe, ha haʼe perfékto opa ára g̃uarã.

Nóta

Térã: “ovendesi”. Ehecha “Vendisión”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Griégope heʼi: “pe tuichavéva ohovasaha pe michĩvévape”.
Ehecha “Altár”, diksionário oĩva ko Bíbliape.
Ehecha Informasión Oĩvéva 1.
Térã: “pákto ỹrõ kontráto”.
Ehecha “Saserdóte Guasu”, diksionário oĩva ko Bíbliape.