Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hebreos 6:1-20

6  Upévare ndajapytái vaʼerã umi mbaʼe ñaaprende vaʼekuépe ñepyrũrã Crístogui*, síno jasegi vaʼerã tenonde gotyo jakakuaapa peve. Ani jaiko jastudia jey jey opa umi mbaʼe tenondegua, umíva hína: ñaaprende jey ñañarrepenti* vaʼerãha umi tembiapo ovaleʼỹvagui, jajerovia vaʼerãha Ñandejárare,  oĩha diferénte vautísmo*, umi omoakãva omoĩha ipo umi oñenombrátava ári, umi omanóvape oñemoingove jeytaha ha oikotaha peteĩ huísio ikatuʼỹva oñekambia*.  Ñande jasegíta tenonde gotyo Ñandejára opermitíramo.  Oĩ omboykéva umi mbaʼe añetegua oaprende vaʼekue, ha ndaikatúi avave oipytyvõ chupekuéra oñarrepenti hag̃ua. Chupekuéra ojehesape vaʼekue ha orresivi hikuái pe rregálo oúva yvágagui ha avei espíritu sánto*.  Koʼãva orresivi vaʼekue Ñandejára Ñeʼẽ porãite ha umi mbaʼe porã* oñemeʼẽtava pe múndo* oútavape amo gotyove.  Haʼekuéra oñemomombyry ha omosaingo jey yvyráre Ñandejára Raʼýpe ha omotĩ chupe opavave renondépe, upévare ndaikatúi voínte ñaipytyvõ chupekuéra.  Pe yvy oipyte pe y hoʼáva jepi hiʼári oky jave, ha upéi omoheñói kóga hoʼu hag̃ua umi oñemitỹ vaʼekue, ha upévare Ñandejára ohovasa* chupe.  Péro omoheñóiramo ñana ha ñuatĩ, oñemboykéta, pyaʼe oñemaldesíta ha ipahápe ojehapýta.  Pende kásope katu ermanokuéra pohayhuetéva, roñeʼẽramo jepe péicha, ore roguerovia peime porãveha umi oheja vaʼekuégui ijerovia ha pejapoha oñekotevẽva Ñandejára pendesalva hag̃ua. 10  Ñandejára ningo hekojoja hína ha ndahesaraimoʼãi umi mbaʼe pejapo vaʼekuégui, mbaʼéichapa pehayhu héra, ha mbaʼéichapa yma guive koʼág̃a peve pesegi peservi meme umi imarangatúvape. 11  Péro roipota káda uno peẽ pesegi penekyreʼỹ pene rembiapópe, pejerovia hag̃ua pende pyʼaite guive pe esperánsare ipahaite peve. 12  Pejapo upéva ani hag̃ua peneateʼỹ, síno pehaʼanga umi ojerovia ha ipasiénsiavape, umíva orresivíta umi mbaʼe porã oñepromete vaʼekue. 13  Ñandejára ojapórõ guare ipromésa Abrahánpe, ndaikatúi vaʼekue ohura peteĩ téra tuichavévare ha upévare ohura Hérare, 14  heʼívo: “Katuete rohovasáta ha katuete ambohetáta ne ñemoñare”. 15  Ha Abrahán ohechauka rire ipasiensiaha, ohupyty pe promésa. 16  Kuimbaʼekuéra opromete jave peteĩ mbaʼe, ohura peteĩ téra tuichavévare. Ha upe promésa oasegura añeteha upe heʼíva hikuái ha ojoko chupekuéra ani hag̃ua ojoavy. 17  Péicha avei, Ñandejára odesidi vaʼekue ohechauka porãtaha umi ohupytýtavape pe erénsia oñepromete vaʼekue, haʼe katuete ojapotaha hembipota. Ha ohechauka hag̃ua upéva ohura vaʼekue. 18  Pe promésa ha huraménto Ñandejára ojapo vaʼekue ndaikatúi oñekambia ha umíva ohechauka Ñandejára ni mbaʼevéicharõ ndaikatuiha ijapu. Upéicha rupi ñande, jadipara vaʼekue Ñandejára ñanemoʼã hag̃uáme, tuicha ñanekyreʼỹ ñañakarama hatã hag̃ua pe esperánsa jarekóvare ñane renonderãme. 19  Ñane esperánsa ningo peteĩ ánkla ñande rekovépe* g̃uarã, oĩ hatãva ha ikatúva jajerovia hese; ha ko esperánsa ñandegueraha pe kortína kupépe. 20  Upépe oike vaʼekue ñane renonderã Jesús, oavri ha oprepara hag̃ua ñandéve pe tape. Haʼe hína saserdóte guasu*, haʼe haguéicha avei Melquisedec ha oservíta saserdóteramo* opa ára g̃uarã.

Nóta

Ehecha “Cristo”, diksionário oĩva ko Bíbliape.
Ehecha “Arrepentimiénto”, diksionário oĩva ko Bíbliape.
Ehecha “Vautísmo”, diksionário oĩva ko Bíbliape.
Griégope heʼi: “opa ára g̃uarã”.
Ehecha “Espíritu Sánto”, diksionário oĩva ko Bíbliape.
Griégope heʼi: “podér”.
Ehecha “Múndo”, diksionário oĩva ko Bíbliape.
Térã: “ovendesi”. Ehecha “Vendisión”, diksionário oĩva ko Bíbliape.
Griégope heʼi: “ñane álmape g̃uarã”. Ehecha “Álma”, Informasión Oĩvéva 7A-pe.
Ehecha “Saserdóte Guasu”, diksionário oĩva ko Bíbliape.
Ehecha “Saserdóte”, diksionário oĩva ko Bíbliape.