Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hebreos 4:1-16

4  Oĩ gueteri peteĩ promésa heʼíva ikatutaha jaike pe lugár haʼe oprepara vaʼekuépe opytuʼu hag̃ua. Upéicharõ, ñañatendékena ani hag̃ua ñande apytépe oĩ ndojapóiva oñekotevẽva oike hag̃ua upépe.  Ñandéve avei ojekuaauka umi marandu porã* chupekuéra ojekuaauka haguéicha; péro pe ñeʼẽ ohendu vaʼekue hikuái ndaideprovéchoi chupekuéra, haʼekuéra ndojeroviái rupi ojerovia haguéicha umi iñeʼẽrendu vaʼekue.  Ñande jajeroviáva, jaikéta pe lugár haʼe oprepara vaʼekuépe opytuʼu hag̃ua, péro umi ótrore haʼe heʼi: “Upévare, chepochy rupi ahura: ‘Haʼekuéra ndoikemoʼãi pe lugár aprepara vaʼekuépe apytuʼu hag̃ua’”. Ha heʼi péicha, jepe ko múndo* oñepyrũ guive haʼe opytuʼu hína ojapopa rire hembiapo.  Peteĩ párte Ñandejára Ñeʼẽme heʼi voi pe séptimo díare: “Ha Ñandejára opytuʼu entéro hembiapokuégui siete diahápe”.  Ha upépe heʼi jey: “Haʼekuéra ndoikemoʼãi pe lugár aprepara vaʼekuépe apytuʼu hag̃ua”.  Upéicharõ, umi ohendu raẽ vaʼekue umi marandu porã, ndoikéi vaʼekue naiñeʼẽrendúi rupi, péro oĩ gueteri umi ikatúva oike upépe.  Upévare heta tiémpo rire haʼe omarka jey peteĩ día, heʼívo: “Koestedía”, peteĩ sálmo David ohai vaʼekuépe; jaʼéma haguéicha yvateve: “Koestedía peẽ pehendúramo iñeʼẽ, ani pemohatã pene korasõ”.  Josué oguerahárire chupekuéra peteĩ lugár opytuʼu hag̃uáme, Ñandejára noñeʼẽi vaʼerãmoʼã ótro díare upe rire.  Upéicharõ oĩ gueteri peteĩ sábado* opytuʼu hag̃ua Ñandejára puévlo. 10  Pe kuimbaʼe oikéva pe lugár Ñandejára oprepara vaʼekuépe opytuʼu hag̃ua, haʼe avei opytuʼu hembiapógui, Ñandejára opytuʼuháicha umi hembiapógui. 11  Upéicharõ, ani hag̃ua ni peteĩva jasegi umi naiñeʼẽrendúiva ehémplo, ñañehaʼãmbaitéke jaike pe lugár Ñandejára oprepara vaʼekuépe opytuʼu hag̃ua. 12  Ñandejára Ñeʼẽ oikove ha ipoderosoiterei, haimbeve oimeraẽ espáda haimbe jováivagui ha oike ombojaʼo peve ñane álma* ha ñande espíritu, ñane kangue ha ñande karaku; ha ikatu ohechauka umi mbaʼe ñapensáva ha jaipotáva ñane korasõme. 13  Ndaipóri mbaʼeve ni avave okañýva chugui, síno haʼe ohecha ha oikuaa opa mbaʼe, ha hendive jajecháta ñane rembiapokuére. 14  Upéicharõ, jareko rupi peteĩ saserdóte guasu* tuichaitéva ha oho vaʼekue yvágape, Jesús, haʼéva Ñandejára Raʼy, akóinte jajerovia mbarete vaʼerã hese. 15  Ñande ndajarekói hína peteĩ saserdóte guasu ikatuʼỹva ñandeporiahuvereko ñanekangy jave; síno opa mbaʼe vai ñande jahasáva, haʼe ohasa vaʼekue avei, péro haʼe ndopekái vaʼekue. 16  Upévare, ñañemoag̃uíkena Ñandejára trónore, haʼe imbaʼeporãitereígui* ñanendive ha ñañemboʼe chupe kyhyjeʼỹre. Péicha Ñandejára ñandeporiahuverekóta ha imbaʼeporãta ñanepytyvõ hag̃ua ñaikotevẽ jave.

Nóta

Ehecha “Marandu Porã”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Ehecha “Sábado”, diksionário oĩva ko Bíbliape.
Ehecha “Álma”, Informasión Oĩvéva 7A-pe.
Ehecha “Saserdóte Guasu”, diksionário oĩva ko Bíbliape.
Térã: “ohechaukágui ñandéve mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.