Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hebreos 3:1-19

3  Upévare che ermanokuéra marangatu, pejeporavóva peho hag̃ua yvágape, pepensami pe apóstol* ha saserdóte guasúre* ñande jajeroviaha: Jesús.  Haʼe iñeʼẽrendu Ñandejárape, pe omoĩ vaʼekue chupe upe kárgope, iñeʼẽrendu haguéicha avei Moisés oservírõ guare Ñandejára rógape.  Jesúspe oñembotuichave Moisésgui, pe óga apohápe oñemombaʼeve rupi upe ógagui.  Añetehápe, entéro óga oreko ijapohare, péro Ñandejára hína opa mbaʼe apohare.  Moisés oñangareko vaʼekue hekoitépe Ñandejára rógare, ha pe tembiapo haʼe ojapo vaʼekue ohechauka umi mbaʼe ojekuaaukátava amo gotyove.  Péro Cristo* haʼe vaʼekue pe Ogajára Raʼy ha haʼe oñangareko hekoitépe Itúva rógare. Ñande hína Ñandejára róga jasegíramo ñañeʼẽ kyhyjeʼỹme, ha ñañakarama hatãramo ñane esperánsare; ñande ñañembotuicha hína ipahaite peve upe esperánsare.  Upévare, pe espíritu sánto* heʼiháicha: “Koestedía peẽ pehendúramo iñeʼẽ,  ani pemohatã pene korasõ ojapo haguéicha pende rukuéra ypykue, haʼekuéra chembopochyeterei vaʼekue chedesafiárõ guare desiértope.  Haʼekuéra chedesafia vaʼekue ohecháramo jepe la che ajapo vaʼekue cuarenta áño pukukuére. 10  Upévare chekuerairo chuguikuéra* ha haʼe: ‘Ipyʼapypekuéra akóinte oho hikuái tape vaíre, haʼekuéra ndoikuaái che rape’. 11  Ha chepochy rupi ahura: ‘Haʼekuéra ndoikemoʼãi pe lugár aprepara vaʼekuépe apytuʼu hag̃ua’”. 12  Peñatendéke che ermanokuéra, ani hag̃ua pene korasõ ou iñaña pendehegui ha ndapejeroviavéi, peñemomombyry rupi Ñandejára oikovévagui. 13  Upéva rangue, pesegi peñomokyreʼỹ káda día, pejapo upéva ikatu aja jaʼe ko tiémpore: “Koestedía”. Ani peichahágui pemohatã pene korasõ pe pekádo penembotavy rupi. 14  Añetehápe, ñande jahupytýta umi mbaʼe Cristo ohupytýva, jasegíramo jajerovia mbarete ipahaite peve, jajerovia haguéicha iñepyrũme. 15  Ñandejára Ñeʼẽ heʼiháicha: “Koestedía peẽ pehendúramo iñeʼẽ, ani pemohatã pene korasõ ojapo haguéicha hikuái ombopochyetereírõ guare chupe”. 16  ¿Máva piko umi ohendu vaʼekue ha upéicharamo jepe ombopochyeterei chupe? ¿Ndahaʼéi piko raʼe entéro umi osẽ vaʼekue Egíptogui Moisés poguýpe? 17  Avei, ¿mávagui piko ikuerairo raʼe Ñandejára cuarenta áño pukukuére? ¿Ndahaʼéi piko umi opeka vaʼekuégui ha omanomba vaʼekue desiértope? 18  ¿Ha mávape piko haʼe ohura raʼe ndoikemoʼãiha pe lugár oprepara vaʼekuépe opytuʼu hag̃ua? ¿Ndahaʼéi piko umi naiñeʼẽrendúi vaʼekuépe? 19  Jahecha upéicharõ haʼekuéra ndoikéi hague, ndojeroviái rupi.

Nóta

Ehecha “Apóstol”, diksionário oĩva ko Bíbliape.
Ehecha “Saserdóte Guasu”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Griégope heʼi: “upe generacióngui”. Ehecha “Umi Hénte Oikóva ko Tiémpope”, diksionário oĩva ko Bíbliape.