Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Hebreos 13:1-25

13  Pesegíkena pejoayhu oñoermánoicha.  Aníkena penderesarái perresivi porã vaʼerãha pende rapichakuérape; ojapo rupi upéicha oĩ vaʼekue orresivíva anhelkuérape oikuaaʼỹre.  Penemanduʼa memékena umi oĩvare préso, peẽ peimeramoguáicha préso hendivekuéra; penemanduʼa avei umi oñemaltratávare, peikuaágui peẽ peikoha gueteri ko yvy ape ári.  Enterove orrespeta vaʼerã ñemenda, ha ména ha tembireko ni mbaʼevéicharõ ndovaléi oñomoakãratĩ; cháke Ñandejára okondenáta umi hekovaívape* ha umi oporomoakãratĩvape.  Aníkena pendeplatarayhu, upéva rangue peñekontenta vaʼerã umi mbaʼe perekóvare. Ñandejára heʼi voi: “Arakaʼeve ndorohejamoʼãi ha arakaʼeve noromotyreʼỹmoʼãi”.  Upéicharõ, ikatu ñanekyreʼỹ ha jaʼe: “Jehová* chepytyvõ hína, ndakyhyjemoʼãi, ¿mbaʼe piko ojapóta cherehe peteĩ yvypórante?”.  Penemanduʼákena umi penemoakãvare, haʼekuéra omombeʼu peẽme Ñandejára Ñeʼẽ. Ha pehechávo umi mbaʼe porã ohupytýva hikuái hembiapokuére, peñehaʼã pejerovia haʼekuéraicha.  Jesucristo nokambiái, haʼe ningo peteĩchante ymave, koʼág̃a ha opa ára g̃uarã.  Ani peheja penembotavy umi omboʼéva opaichagua japu, cháke ikuentave pedepende Ñandejára mborayhúre pemombarete hag̃ua pene korasõ, pedepende rangue tembiʼúre. Entéro omombaʼetereíva tembiʼu, noguenohẽi chugui mbaʼeve iporãva. 10  Jaguereko peteĩ altár* ha umi oservíva Ñandejárape pe óga kárpape, ndorekói derécho hoʼúvo umi mbaʼe oĩva pe altár ári. 11  Pe saserdóte guasu* omoinge pe lugár marangatúpe* umi mymba ruguy oikuaveʼẽ hag̃ua umi pekádore, péro umi hetekue oñeguenohẽ umi hénte oikohágui, ojehapy hag̃ua. 12  Jesús avei ohasa asy vaʼekue omomarangatu hag̃ua umi héntepe huguy rupive, ha ojapo upéva osẽvo pe siuda rokẽrupi oka gotyo. 13  Ñasẽkena avei umi hénte oikohágui, oka gotyo jaha hag̃ua hendápe, ha jagueropuʼaka pe ñemotĩ haʼe oaguanta vaʼekue. 14  Ñande ndajaguerekói koʼápe peteĩ siuda opytátava opa árare, síno ñahaʼarõitereíma pe siuda oútava. 15  Akóinte ñambotuicha vaʼerã Ñandejárape, Jesús rupive. Upéva haʼete peteĩ sakrifísio ñameʼẽva Ñandejárape. Jaiporu ñande juru jaikuaauka hag̃ua héra opavave renondépe. 16  Avei ani penderesarái pejapo vaʼerãha iporãva ha pekomparti peguerekóva pende rapichakuérandi, Ñandejára oguerohoryetereígui koʼãichagua sakrifísio. 17  Peneñeʼẽrendúkena umi penemoakãvape ha peñemoĩ ipoguypekuéra; haʼekuéra ningo akóinte oñangareko penderehe* ha ojecháta Ñandejárandi upe ojapóvare. Péicha haʼekuéra vyʼápe ojapóta hembiapo ha ndaipohyimoʼãi chupekuéra, ndapejapóiramo upéicha ivaietereíne peẽme g̃uarã. 18  Peñemboʼe memékena orerehe, rojeroviágui ore konsiénsia* ipotĩha, ha hiʼãiterei oréve roiko hekópe opa mbaʼépe. 19  Péro che ajerure joʼa joʼa peẽme peñemboʼe hag̃ua, ikatu hag̃uáicha koʼẽrõite aha jey pene rendápe. 20  Ñandejára omeʼẽva pyʼaguapy omopuʼã vaʼekue omanóva apytégui ñande Ruvicha Jesúspe. Haʼe ningo pe ovecharerekua tuichavéva ha oikuaveʼẽ Ñandejárape huguy pe kompromísope* g̃uarã, upe kompromíso opyta opa ára g̃uarã. 21  Aipotaite Ñandejára omeʼẽ peẽme opa mbaʼe porã pejapo hag̃ua hembipota. Jesucristo rupive haʼe ñanemomýi jajapo hag̃ua umi mbaʼe haʼe oguerohorýva. Toñembotuicha Ñandejárape opa ára g̃uarã. Taupéicha*. 22  Koʼág̃a che ermanokuéra, ajerure peẽme penepasiénsia hag̃ua pehendúvo koʼã ñeʼẽ penemokyreʼỹtava. Añetehápe ahai peẽme peteĩ kárta mbykymíva. 23  Peikuaáke ñane ermáno Timoteo orekomaha liverta. Haʼe og̃uahẽramo pyaʼe, roviaháta oñondive pohecha hag̃ua. 24  Saludomi entéro umi penemoakãvape ha entéro umi imarangatúvape. Umi oikóva Itáliape orahauka peẽme salúdo. 25  Aipotaite Ñandejára taimbaʼeporã* penendive.

Nóta

Ehecha “Tekovai”, Informasión Oĩvéva 4-pe.
Ehecha Informasión Oĩvéva 1.
Ehecha “Altár”, diksionário oĩva ko Bíbliape.
Ehecha “Saserdóte Guasu”, diksionário oĩva ko Bíbliape.
Ehecha “Lugár Marangatu”, diksionário oĩva ko Bíbliape.
Griégope heʼi: “pene álma rehe”. Ehecha “Álma”, Informasión Oĩvéva 7A-pe.
Ehecha “Konsiénsia”, diksionário oĩva ko Bíbliape.
Térã: “pákto ỹrõ kontráto”.
Térã: “Amén”.
Térã: “tohechauka peẽme mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.