Ehecha oĩva pype

Ehecha oĩva pype

Filipenses 4:1-23

4  Che ermanokuéra ahayhuetéva, hiʼãitéma chéve pohecha, peẽ ningo che prémio* chembovyʼáva. Pejepytaso mbaretékena péicha ñande Ruvicha servísiope.  Evodia ha Síntiquepe ajerure jey jey opensa hag̃ua peteĩcha oservívo ñande Ruvichápe.  Ndéve avei ajerure, nde añetehápe chemoirũva che rembiapópe, resegi hag̃ua reipytyvõ koʼã kuñáme. Haʼekuéra oñehaʼãmbaite che ykére umi marandu porã* rehehápe; upéicha avei ojapo Clemente ha umi ótro chemoirũva che rembiapópe, herakuéra ojehai hína pe lívro jeikove reheguápe.  Akóintekena pevyʼa ñande Ruvicha servísiope, haʼe jeýta voi peẽme: ¡Pevyʼákena!  Opavave toikuaa peneakãguapyha*. Ñande Ruvicha oĩ ag̃uiete hína.  Ani pejepyʼapyeterei mbaʼevére, síno opa árape pemombeʼu Ñandejárape peipotáva, pejapo upéva peñemboʼévo, pejerure asývo, ha peagradese avei chupe.  Ha Ñandejára pyʼaguapy tuichavéva opa mbaʼe ikatúvagui pentende, oñangarekóta pene korasõre ha umi mbaʼe pepensávare, Cristo* Jesús rupive.  Ipahápe che ermanokuéra, pesegíkena pejepyʼamongeta opa mbaʼe añetévare, iñimportánteva, hekopeguáva, ipotĩva, ñanemomýiva japorohayhu hag̃ua, herakuã porãva, opa mbaʼe iporãvare ha opa mbaʼe ikatúvare ojeguerohory.  Umi mbaʼe peaprende, peguerovia, pehendu ha pehecha vaʼekue che ajapoha, pejapo meme avei peẽ. Ha péicha Ñandejára omeʼẽva pyʼaguapy penderovasáta*. 10  Che aservi ñande Ruvichápe ha avyʼaiterei peẽ pehechauka jey haguére pepensaha cherehe. Peẽ ningo akóinte voi pepensáva cherehe, péro peteĩ tiémpore ndaikatuvéi pehechauka chéve upeichaha. 11  Ndaʼéi koʼã mbaʼe ajejopy vaígui, tahaʼe haʼéva upe ahasáva, che ajepokuaáma añekontenta pe arekomívare. 12  Che aikokuaa ijakáso jave la hiʼupy, ha areko heta jave. Tahaʼe haʼéva upe ahasáva che aaprende peteĩ mbaʼe naentéroi oikuaáva: aikokuaa cheryg̃uatã ha chevareʼa jave, areko hetápe térã ndarekóiramo jepe mbaʼevete. 13  Opa mbaʼerã chembarete Ñandejára* omeʼẽgui chéve podér. 14  Upéicharõ jepe, peẽ pejapo porã peimévo chendive ahasa asýrõ guare. 15  Añetehápe, peẽ Filiposgua peikuaa porã ko mbaʼe: peẽ peñepyrũ rire peaprende umi marandu porã ha asẽ meve Macedóniagui, ni peteĩ kongregasión* nachepytyvõi ni ndohejái che aipytyvõ chupekuéra, síno peẽ añoitémante. 16  Aimérõ guare Tesalónicape jepe, peẽ dos vése perahauka chéve umi mbaʼe aikotevẽva. 17  Ndahaʼéi ningo che aipotáva pemeʼẽ chéve rregálo, síno aipota peẽ perresivi umi mbaʼe porã penepytyvõtava peime porãve hag̃ua Ñandejára renondépe. 18  Che arekopaite umi mbaʼe aikotevẽva ha arekorasapa voi. Mbaʼevete naikotevẽi, Epafrodito omeʼẽ rire chéve umi mbaʼe peguerukáva, umíva ningo peteĩ mbaʼe hyakuã porãva, peteĩ sakrifísio iporãva ha Ñandejára oguerohoryetereíva. 19  Upéicha avei Ñandejára omeʼẽta peẽme opa mbaʼe peikotevẽva, haʼe oreko hetaiterei mbaʼe ha ojevaléta Cristo Jesús rehe omeʼẽ hag̃ua peẽme. 20  Koʼág̃a toñembotuicha ñande Ru Ñandejárape opa ára g̃uarã. Taupéicha*. 21  Saludomi entéro Cristo Jesús disípulo* imarangatúvape. Umi ermáno oĩva chendive orahauka avei peẽme salúdo. 22  Entéro umi ermáno*, koʼýte umi César* rogaygua orahauka peẽme salúdo. 23  Hiʼãite chéve ñande Ruvicha Jesucristo mbaʼeporã ijojahaʼỹva* toĩ pene korasõme.

Nóta

Griégope heʼi: “koróna”.
Ehecha “Marandu Porã”, diksionário oĩva ko Bíbliape.
Térã: “pehechauka napeñemohatãiha peẽ pejévapente”.
Ehecha “Cristo”, diksionário oĩva ko Bíbliape.
Térã: “penevendesíta”. Ehecha “Vendisión”, diksionário oĩva ko Bíbliape.
Griégope heʼi: “haʼe”.
Ehecha “Kongregasión”, diksionário oĩva ko Bíbliape.
Térã: “Amén”.
Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Griégope heʼi: “imarangatúva”.
Péicha oñehenói vaʼekue umi mburuvicha guasúpe Rómape.
Ehecha “Mbaʼeporã Ijojahaʼỹva”, diksionário oĩva ko Bíbliape.