Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Efesios 1:1-23

1  Che, Pablo, aservíva Cristo* Jesús apóstolramo* Ñandejára oipota rupi, ahai ko kárta entéro umi imarangatu ha ijeroviaháva oĩva Éfesope, haʼéva hína Cristo Jesús disípulo*.  Aipotaite ñande Ru Ñandejára, ha ñande Ruvicha Jesucristo, taimbaʼeporã* penendive ha tomeʼẽ peẽme pyʼaguapy.  Toñembotuicha Ñandejárape, haʼéva ñande Ruvicha Jesucristo Ru. Haʼe omeʼẽ ñandéve yvágape heta mbaʼe porã espíritu sánto* rupive, ñande haʼégui Cristo disípulo.  Ko múndo* oñepyrũ mboyve voi Haʼe ñandeporavo jajoaju hag̃ua Cristo rehe. Ñandejára ojapo upéva ikatu hag̃uáicha ñanemarangatu ha ñanepotĩ henondépe jahayhu rupi chupe.  Haʼe ningo iñepyrũ guive odesidíma vaʼekue ñandeadoptataha itaʼýraramo, Jesucristo rupive. Haʼe ojapo upéva ojaposégui ha oipotágui.  Péva oiko ikatu hag̃uáicha umi hénte ombotuicha Ñandejárape imbaʼeporãiterei haguére ñanendive, Itaʼýra ohayhuetéva rupive.  Jesús opaga* ñanderehe huguy rupive ha upéva omeʼẽ ñandéve liverta. Upéicha rupi ñane rembiapo vai ikatu oñeperdona, Ñandejára imbaʼeporãiterei haguére.  Ñandejára imbaʼeporãiterei ñanendive, ha ñanepytyvõ ñanearandu ha ñantende hag̃ua opa mbaʼe.  Haʼe ojapo upéva oikuaaukávo umi sekréto marangatu*, haʼéva hína hembipota. Ha chupe ogustahaichaite 10  omoĩ mbaʼéichapa ojedirihíta ha ojejapóta opa mbaʼe. Upéva oikóta oñemohuʼã vove pe tiémpo haʼe omoĩ vaʼekue ombyatypa jey hag̃ua opa mbaʼe oĩva yvágape ha yvy ape ári, ha omoĩ hag̃ua umíva Cristo poguýpe. 11  Ore rojoaju hendive ha rorresivíta avei pe erénsia hendive. Upearã Ñandejára oreporavóma vaʼekue iñepyrũ guive, haʼe ningo ojapo opa mbaʼe odesidiháicha ha haʼe oipotaháicha. 12  Péicha ikatúta oñembotuicha ha oñemombaʼeguasu Ñandejárape ore rupive, ore ningo umi rojerovia ypy vaʼekue Crístore. 13  Péro peẽ avei pejerovia hese pehendu rire pe añetegua, upéva hína umi marandu porã* oñeʼẽva pene salvasión rehe. Peẽ pejerovia rire hese, Ñandejára oiporu pe espíritu sánto opromete vaʼekue, omoĩ hag̃ua penderehe peteĩ márka. Haʼe ojevale Crístore ojapo hag̃ua upéva. 14  Péva hína peteĩ garantía ohechaukáva Ñandejára omeʼẽtaha ñandéve opa mbaʼe opromete vaʼekue. Haʼe ojapo upéva opaga hag̃ua ipuévlore ikatu hag̃uáicha oreko liverta, ha oñembotuicha ha oñemombaʼeguasu hag̃ua chupe. 15  Upévare, che ahendúvo mbaʼéichapa pejerovia ñande Ruvicha Jesús rehe ha pehechaukaha upéva petrata porãvo umi imarangatúvape, 16  akóinte aagradese penderehe. Ha chemanduʼa meme penderehe che ñemboʼépe, 17  ikatu hag̃uáicha Ñandejára hekomimbipáva, haʼéva avei ñande Ruvicha Jesucristo Túva, penepytyvõ penearandu ha pentende hag̃ua umi mbaʼe haʼe omyesakãva peẽme, ha peikuaa porã hag̃ua chupe. 18  Ñandejára oavri pene korasõ pehecha hag̃ua mbaʼépa hína pe esperánsa haʼe omeʼẽva peẽme, ha péicha peikuaa hag̃ua umi mbaʼe porã ijojahaʼỹva oñongatúva umi imarangatúvape g̃uarã. 19  Ha avei peikuaa hag̃ua pe podér tuichaitéva haʼe ohechaukáva ñanderehehápe jajeroviágui hese. Pe podér tuichaitéva ojekuaa 20  haʼe omopuʼãrõ guare Crístope omanóva apytégui ha omboguapy chupe ideréchape yvágape. 21  Omoĩ chupe yvateve opaichagua goviérno, autorida, mburuvicha ha opa téragui, ha ndahaʼéi ko tiémpopente*, síno avei amo gotyove. 22  Ñandejára omoĩ avei opa mbaʼe Jesús py guýpe, ha omoĩ chupe omoakã hag̃ua opa mbaʼe kongregasiónpe*. 23  Pe kongregasión haʼe hína hete, ha henyhẽ Jesús rupive; haʼe hína pe omyenyhẽva opa mbaʼe.

Nóta

Ehecha “Cristo”, diksionário oĩva ko Bíbliape.
Ehecha “Apóstol”, diksionário oĩva ko Bíbliape.
Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Térã: “tohechauka peẽme mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Térã: “ñanderreskata”. Ehecha “Rreskáte”, diksionário oĩva ko Bíbliape.
Ehecha “Sekréto Marangatu”, diksionário oĩva ko Bíbliape.
Ehecha “Marandu Porã”, diksionário oĩva ko Bíbliape.
Térã: “ndahaʼéi ko múndopente”.
Ehecha “Kongregasión”, diksionário oĩva ko Bíbliape.