Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Colosenses 4:1-18

4  Peẽ patronkuéra, petratákena pene rembiguáipe tekojojápe ha hekoitépe, peikuaágui peẽ perekoha avei yvágape pende Jára.  Peñemboʼe memékena, ani voi penderesarái upévagui ha peagradese Ñandejárape.  Peñemboʼe avei orerehehápe, Ñandejára oavri hag̃ua oréve pe okẽ ikatu hag̃uáicha ropredika iñeʼẽ ha roikuaauka pe sekréto marangatu* oñeʼẽva Crístore* (hesehápe che aime hína préso),  ha añeʼẽ porã hag̃ua, oñehaʼarõháicha voi ajapo.  Penearandu memékena peime jave umi hénte ndahaʼéivandi kongregasionpegua*. Ha peiporu porãkena pene tiémpo.  Pene ñeʼẽ akóinte iporã ha ijuky vaʼerã, peikuaa hag̃ua mbaʼéichapa pembohováita entéro ombaʼeporandúvape peẽme.  Tíquico, ñane ermáno jahayhuetéva, omombeʼúta peẽme mbaʼéichapa oho chéve. Haʼe ningo oservi ipyʼaite guive ñande Ruvichápe, ha haʼe avei Cristo rembiguái.  Amondo chupe pene rendápe peikuaa hag̃ua notísia orehegui ha avei haʼe penekonsola hag̃ua.  Amondo hendive Onésimope, haʼe hína che ermáno jeroviaha ha ahayhuetéva, ha oĩ vaʼekue voi pende apytépe. Haʼekuéra omombeʼúta peẽme opa mbaʼe oikóva koʼápe. 10  Orahauka peẽme salúdo Aristarco, oĩva préso chendive, avei Marcos, Bernabé prímo (peẽme ningo ojeʼe vaʼekue perresivi hag̃ua chupe torypápe, ohóramo pene rendápe), 11  ha Jesús hérava Justo. Koʼãva hína umi oñesirkunsidáva. Haʼekuéra añoite chemoirũ aservi hag̃ua Ñandejára Rréinope, ha tuichaiterei chekonsola hikuái. 12  Orahauka peẽme salúdo Epafras, haʼéva Cristo Jesús rembiguái pende apytépe. Haʼe oñehaʼã akóinte oñemboʼe penderehehápe, ikatu hag̃uáicha ipahaitépe peime hatã pende jeroviápe, pejepytaso mbarete ha pejapopaite Ñandejára rembipota. 13  Che aikuaa porã mbaʼeichaitépa haʼe ombaʼapo jejopy penderehehápe, ha avei umi Laodicea ha Hierapolisgua rehehápe. 14  Orahauka peẽme salúdo ñane ermáno jahayhuetéva Lucas, haʼéva doktór, ha avei Demas. 15  Saludomi umi ermáno oĩva Laodicéape ha ñane ermána Nínfape, ha pe kongregasión oñembyatýva hógape. 16  Peleepa rire ko kárta, pehecha olee hag̃ua avei pe kongregasión oĩva Laodicéape, ha peẽ avei pelee pe kárta ojeguerahaukáva Laodicéape. 17  Pejemi avei Arquípope: “Esegíkena eñatende pe tembiapo rejagarra vaʼekuére ñande Ruvicha servísiope, ha ekumpli hekoitépe”. 18  Chete, Pablo ahai ko salúdo. Penemanduʼa meméke aimeha préso. Ñandejára mbaʼeporã ijojahaʼỹva* toĩ penendive.

Nóta

Ehecha “Sekréto Marangatu”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Ehecha “Kongregasión”, diksionário oĩva ko Bíbliape.
Ehecha “Mbaʼeporã Ijojahaʼỹva”, diksionário oĩva ko Bíbliape.