Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 7:1-17

7  Upe rire ahecha cuatro ánhel oñemboʼýva umi cuatro eskínape oĩva ko yvy ári. Haʼekuéra ojoko hatã hína umi cuatro yvytu ko yvy arigua, ani hag̃ua oipeju mbaʼeveichagua yvytu ko yvy ári, pe mar ári ni umi yvyramáta ári.  Ha ahecha ótro ánhel ojupíva kuarahyresẽguio, haʼe oreko Ñandejára oikovéva séllo* ha osapukái umi cuatro ánhelpe, orekóva permíso ombyai hag̃ua pe yvy ha pe mar,  ha heʼi: “Ani pembyai pe yvy, pe mar ni umi yvyramáta, rosellapa peve isyvápe Ñandejára rembiguaikuérape”.  Upéi ahendu mboýpa umi ojesella vaʼekue: ciento cuarenta y cuatro mil, ojeselláva entéro trívu Israelguágui:  Judá trívugui ojesella doce mil; Rubén trívugui doce mil; Gad trívugui doce mil;  Aser trívugui doce mil; Neftalí trívugui doce mil; Manasés trívugui doce mil;  Simeón trívugui doce mil; Leví trívugui doce mil; Isacar trívugui doce mil;  Zabulón trívugui doce mil; José trívugui doce mil; Benjamín trívugui ojesella doce mil.  Upe rire ¡péina!, ahecha peteĩ aty guasu avave ndaikatúiva oipapa, oúva opa tetã, trívu ha puévlogui ha oñeʼẽva opaichagua idióma. Haʼekuéra oñemboʼy pe tróno ha pe Ovecharaʼy renondépe, omonde ao puku morotĩ asýva ha oreko palméra rakã ipopekuéra. 10  Haʼekuéra akóinte osapukái ha heʼi: “Pe salvasión ou Ñandejáragui, oguapýva pe trónope ha pe Ovecharaʼy rupive”. 11  Entéro umi ánhel oñemboʼy pe tróno, umi ansiáno* ha umi keruvín* jerére, ha haʼekuéra oñesũ pe tróno renondépe, omombaʼeguasu Ñandejárape, 12  ha heʼi: “¡Taupéicha*! Ñandejárape tojehovasa* ha toñemeʼẽ tekomimbipa, arandu, agradesimiénto, ñemombaʼe, podér ha puʼaka opa ára g̃uarã. Taupéicha”. 13  Upévo peteĩ ansiáno heʼi chéve: “¿Máva piko koʼã omondéva ao puku morotĩ asýva, ha moõgui piko ou hikuái?”. 14  Upémarõ, upepete haʼe chupe: “Che ruvicha, nde ningo la reikuaáva”. Ha haʼe heʼi chéve: “Koʼãva hína umi osẽva pe jehasa asy guasúgui, haʼekuéra ojohéi ijao puku ha omomorotĩ pe Ovecharaʼy ruguýpe. 15  Upévare oĩ hikuái Ñandejára tróno renondépe, ha oservi chupe ára ha pyhare itémplope. Ha Pe oguapýva pe trónope oñangarekóta* hesekuéra. 16  Haʼekuéra arakaʼeve naiñembyahyimoʼãvéima ha ndaijyʼuheimoʼãvéima, ni ndohapymoʼãvéima chupekuéra kuarahy ni ára haku. 17  Pe Ovecharaʼy oĩva pe tróno mbytépe oñangarekóta hesekuéra ovecharerekuáicha ha ogueraháta chupekuéra oĩháme yvu orekóva y oporomoingovéva. Ha Ñandejára omokãmbaitéta hesaykuéra”.

Nóta

Peteĩ séllo haʼe peteĩ pegaménto joguaha ojeporu vaʼekue oñemboty hag̃ua umi kuatiañeʼẽ.
Ehecha “Ansiáno”, diksionário oĩva ko Bíbliape.
Ehecha “Keruvín”, diksionário oĩva ko Bíbliape.
Térã: “Amén”.
Térã: “toñevendesi”. Ehecha “Vendisión”, diksionário oĩva ko Bíbliape.
Térã: “oipysóta hiʼarikuéra hóga kárpa”.