Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 5:1-14

5  Ahecha Pe oguapýva pe trónope orekoha ipo deréchape peteĩ kuatiañeʼẽ ojehaíva mokõive ládo ha oñemboty porãva siete séllope*.  Ahecha avei peteĩ ánhel imbaretéva ha osapukái hatãva: “¿Máva piko omerese oavri pe kuatiañeʼẽ ha oipeʼa umi séllo?”.  Péro ndaipóri avave yvágape, yvy ape ári, ni yvyguýpe ikatúva oavri pe kuatiañeʼẽ ni omaña oĩvare ipype.  Ha añepyrũ cherasẽ soro ndaipóri haguére ni peteĩ omereséva oavri pe kuatiañeʼẽ ni omaña oĩvare ipype.  Upévo peteĩ ansiáno* heʼi chéve: “Anive nerasẽ. ¡Péina!, pe León Judá trivupegua, haʼéva David familiare, oganáma ikatu hag̃uáicha oavri pe kuatiañeʼẽ ha oipeʼa umi siete séllo”.  Upéi ahecha pe tróno, umi cuatro keruvín* ha umi ansiáno mbytépe peteĩ ovecharaʼýpe, haʼete ojejuka vaʼekue, haʼe siete hatĩ ha siete hesa. Umi hesa orrepresenta umi siete espíritu Ñandejára mbaʼéva, oñemondo vaʼekue oparupiete ko yvy ape ári.  Ha pe ovecharaʼy upepete oho ojagarra pe kuatiañeʼẽ orekóva ipo deréchape Pe oguapýva pe trónope.  Ha ojagarrávo pe kuatiañeʼẽ, umi cuatro keruvín, ha umi veinticuatro ansiáno oñesũ pe Ovecharaʼy renondépe. Káda uno oreko peteĩ árpa ha peteĩ mbaʼyru de óro henyhẽva insiénsogui*. (Pe insiénso orrepresenta umi imarangatúva ñemboʼe.)  Haʼekuéra opurahéi peteĩ purahéi pyahu, ha heʼi: “Nde remerese rejagarra pe kuatiañeʼẽ ha reavri isellokuéra, nde rejejuka rupi ha nde ruguy rupive rejogua Ñandejárape g̃uarã umi hénte oúva opaichagua trívu, puévlo, ha tetãgui, ha oñeʼẽva opaichagua idióma. 10  Ha rejapo chuguikuéra rréi ha saserdóte* Ñandejárape g̃uarã, ha ogovernáta hikuái pe yvy”. 11  Pe tróno, umi keruvín ha umi ansiáno jerére ahecha ha ahendu oñeʼẽha hetaiterei* ánhel, 12  ha haʼekuéra hatã heʼi: “Pe Ovecharaʼy ojejuka vaʼekue omerese ojehovasa* ha oñemeʼẽ chupe podér, mbaʼerepy, arandu, puʼaka, ñemombaʼe ha tekomimbipa”. 13  Ha entéro oikovéva ha oĩva yvágape, yvy ape ári, yvyguýpe, márpe ha opa mbaʼe oĩva ipypekuéra ahendu heʼiha: “Tojehovasa Pe oguapýva pe trónope ha pe Ovecharaʼýpe, toñemeʼẽ chupekuéra ñemombaʼe, tekomimbipa ha puʼaka opa ára g̃uarã”. 14  Umi cuatro keruvín heʼi: “¡Taupéicha*!”, ha umi ansiáno oñesũ ha omombaʼeguasu Ñandejárape.

Nóta

Peteĩ séllo haʼe peteĩ pegaménto joguaha ojeporu vaʼekue oñemboty hag̃ua umi kuatiañeʼẽ.
Ehecha “Ansiáno”, diksionário oĩva ko Bíbliape.
Ehecha “Keruvín”, diksionário oĩva ko Bíbliape.
Ehecha “Insiénso”, diksionário oĩva ko Bíbliape.
Ehecha “Saserdóte”, diksionário oĩva ko Bíbliape.
Térã: “diez mil vése diez mil, ha millares de millares”.
Térã: “oñevendesi”. Ehecha “Vendisión”, diksionário oĩva ko Bíbliape.
Térã: “Amén”.