Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 4:1-11

4  Upe rire ahecha ha ¡péina!, peteĩ okẽ ojavríva yvágape, ha ahendu pe tenondete oñeʼẽva chendive, iñeʼẽ ojoguáva trompéta púpe, ha heʼíva chéve: “Ejupi koʼápe ha ahechaukáta ndéve umi mbaʼe oiko vaʼerã”.  Upéi, upepete voi ou che ári Ñandejára espíritu: ha ¡péina!, peteĩ tróno oĩva yvágape ha oĩ peteĩ oguapýva pe trónope.  Pe oguapýva pe trónope omimbipa, haʼete peteĩ ita vera* hérava háspe, haʼete avei peteĩ ita iporãitereíva ha pytãva; ha pe tróno jerére oĩ peteĩ árko íris, haʼetéva peteĩ ita vera hérava esmerálda.  Pe tróno jerére oĩ veinticuatro tróno, ha umi trónope ahecha oguapyha veinticuatro ansiáno* ijao morotĩva ha iñakãre orekóva koróna de óro.  Ahecha aratiri oúva pe trónogui, ahendu oñeʼẽva ha avei arasunu oúva pe trónogui; ha oĩ siete lámpara guasu hendýva pe tróno renondépe, umíva orrepresenta umi siete espíritu Ñandejára mbaʼéva.  Ha pe tróno renondépe oĩ peteĩ mar ojoguáva vídriope haʼetéva kristál. Pe tróno mbytépe ha ijerére oĩ cuatro keruvín* henyhẽtéva teságui, henonde ha hapykue gotyo.  Pe primer keruvín haʼete peteĩ león, pe segundo keruvín haʼete peteĩ tororaʼy, pe tercer keruvín rova katu haʼete peteĩ kuimbaʼe, ha pe cuarto keruvín haʼete peteĩ ágila ovevéva.  Ha umi cuatro keruvín, káda uno seis ipepo henyhẽtéva teságui hiʼári ha iguýpe. Ára ha pyhare haʼekuéra heʼi meme: “Ñandejára Ipuʼakapáva Jehová* ningo imarangatueterei*, haʼe oĩ vaʼekue yma, oĩ koʼág̃a ha ou hína”.  Umi keruvín omeʼẽ tekomimbipa, omombaʼe ha oagradese Ñandejárape, upe oguapýva hína pe trónope ha oikovéva opa ára g̃uarã. Upéicha jave 10  umi veinticuatro ansiáno oñesũ Ñandejára renondépe, haʼe oguapy hína pe trónope, ha omombaʼeguasu hikuái pe oikovévape opa ára g̃uarã. Haʼekuéra oity ikoróna pe tróno renondépe ha heʼi: 11  “Ñandejára Jehová, nde ningo remerese opavave nemombaʼe ha omeʼẽ ndéve tekomimbipa ha podér, nde rejapo rupi opa mbaʼe, ha nde reipotágui oĩ ha ojejapo vaʼekue opaite mbaʼe”.

Nóta

Ehecha “Ita Vera”, diksionário oĩva ko Bíbliape.
Ehecha “Ansiáno”, diksionário oĩva ko Bíbliape.
Ehecha “Keruvín”, diksionário oĩva ko Bíbliape.
Ehecha Informasión Oĩvéva 1.
Griégope heʼi: “imarangatu, imarangatu, imarangatu”.