Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 3:1-22

3  ”Ehai pe ánhel oĩvape kongregasión* de Sárdispe: Koʼã mbaʼe heʼi pe oguerekóva umi siete espíritu Ñandejára mbaʼéva, ha umi siete estrélla: ‘Che aikuaa opa mbaʼe rejapóva, ojeʼeha nderehe reikoveha, péro añetehápe remano.  Eñatendéke, ha emombarete umi mbaʼe hembýva ha oĩmava omano hag̃uáicha. Cháke ajuhu nderejapopái hague pe tembiapo Ñandejára oipotáva rejapo.  Upévare, akóintekena nemanduʼa umi mbaʼe rerresivi ha rehendu vaʼekuére, ekumpli meme umíva, ha eñarrepenti*. Epáykena, nderejapóiramo upéva añetehápe ajúta peteĩ mondaháicha ha ni mbaʼevéicharõ ndereikuaamoʼãi mbaʼe órapa ajúta ne kóntrape.  ”’Upéicharõ jepe, Sárdispe oĩ mbovymi nomongyʼái vaʼekue ijao joʼaha, haʼekuéra oikóta chendive ha omondéta ao morotĩ, omereségui hikuái upéva.  Pe oganáva omondéta ao morotĩ ha ni mbaʼevéicharõ ndaipeʼamoʼãi héra pe jeikove rehegua lívrogui; upéva rangue, amombeʼúta héra che Túva ha hiʼanhelkuéra renondépe.  Pe ijapysáva tohendu pe espíritu sánto* heʼíva umi kongregasiónpe’.  ”Ehai pe ánhel oĩvape kongregasión de Filadélfiape: Koʼã mbaʼe heʼi pe imarangatúva, arakaʼeve ndaijapúiva, orekóva David lláve, haʼe oavríva avave ndaikatúi omboty, ha haʼe ombotýva avave ndaikatúi oavri:  ‘Che aikuaa opa mbaʼe rejapóva (¡péina!, amoĩ ne renondépe peteĩ okẽ ojavríva, avave ikatuʼỹva omboty). Che aikuaa reguerekoha gueteri michĩmi podér, rekumpliha che ñeʼẽ ha arakaʼeve nerenegái hague che réra.  ¡Péina! Aguerúta umi oĩva Satanás* grúpope*, heʼíva ijehe haʼeha hudío, péro añetehápe ndahaʼéi, síno ijapu... ¡Péina! Aguerúta chupekuéra, amoñesũta ne renondépe, ha aikuaaukáta chupekuéra che rohayhuha. 10  Nde reaguanta rupi chéicha, che avei añangarekóta nderehe og̃uahẽ vove pe óra rehasa asy hag̃ua. Pe óra og̃uahẽta ko yvy ári, ha upévo ohasa asýta entéro umi oikóva ko yvy ape ári. 11  Aháta hína koʼẽrõite. Esegíkena eñakarama hatã umi mbaʼe porã rerekóvare ani hag̃ua avave oipeʼa ndehegui ne prémio*. 12  ”’Pe oganávape..., ajapóta chugui peteĩ kolúmna Ñandejára témplope, ha haʼe arakaʼeve nosẽmoʼãvéima upégui. Ha hese ahaíta Ñandejára réra ha pe siuda Ñandejára mbaʼéva réra, pe Jerusalén pyahu oúva Ñandejáragui ha oguejýva yvágagui. Ahaíta avei hese che réra pyahu. 13  Pe ijapysáva tohendu pe espíritu sánto heʼíva umi kongregasiónpe’. 14  ”Ehai pe ánhel oĩvape kongregasión de Laodicéape: Koʼã mbaʼe heʼi pe hérava Amén*, pe testígo jeroviaha ha añetegua, haʼéva Ñandejára rembiapo ypykue: 15  ‘Che aikuaa opa mbaʼe rejapóva, rejoguaha y tíviope, nahoʼysãi ni ndahakúiva. Aipotaite ningo rejogua y roʼysãme térã y takúpe. 16  Péro rejogua haguére y tíviope, nahoʼysãi ni ndahakúiva, roitýta che jurúgui. 17  Nde ningo reiko ere: “Chéngo chepláta, areko heta mbaʼerepy ha naikotevẽi mbaʼevete asy”. Péro ndereikuaái ivaiha la nde pórte, reiko asy, nemboriahu, neresatũ ha ndeopívo. 18  Upévare ameʼẽta ndéve ko konsého: ejogua chehegui óro oñemopotĩ vaʼekue tatápe, ndepláta hag̃ua; ejogua avei ao morotĩ, ani hag̃ua avave ohecha ndeopivoha ha reñemotĩ; ejogua avei pomáda nde resápe g̃uarã, ikatu hag̃uáicha remoĩ nde resáre ha rehecha porã. 19  ”’Che amongavaju ha akorrehi entéro umi ahayhúvape. Upévare, nekyreʼỹkena ha eñarrepenti. 20  ¡Péina! Che añemboʼy hína okẽ renondépe ha ambota pe okẽ. Oĩramo cherendúva ha oavri chéve pe okẽ, aikéta hógape ha rosenáta oñondive. 21  Pe oganávape, ameʼẽta permíso oguapy hag̃ua chendive che trónope, che agana haguéicha avei ha aguapy che Túvandi itrónope. 22  Pe ijapysáva tohendu pe espíritu sánto heʼíva umi kongregasiónpe’”.

Nóta

Ehecha “Kongregasión”, diksionário oĩva ko Bíbliape.
Ehecha “Arrepentimiénto”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Ehecha “Satanás”, diksionário oĩva ko Bíbliape.
Griégope heʼi: “Sinagóga”, ehecha diksionário oĩva ko Bíbliape.
Griégope heʼi: “koróna”.
Amén haʼe peteĩ téra oñemeʼẽva Jesúspe, orrepresentáva haʼe ojapo vaʼekue.