Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 20:1-15

20  Ahecha peteĩ ánhel oguejýva yvágagui ha ipópe oreko yvykua pypuku* lláve ha peteĩ kadéna guasu.  Ha ojagarra pe dragónpe*, pe mbói ypykue haʼéva Diablo* ha Satanás* ha oñapytĩ chupe mil áñore.  Omombo chupe pe yvykua pypukúpe omboty ha oasegura porã, anive hag̃ua pe dragón ombotavy umi tetãnguérape og̃uahẽ meve huʼãme umi mil áño. Upe rire ojepoíta chugui peteĩ tiémpo mbykymíre.  Ahecha umi tróno, ha umi oguapývape hiʼári oñemeʼẽ autorida oporohusga hag̃ua. Si, ahecha umi ojejuka* vaʼekuépe opredika haguére Jesús ha Ñandejárare. Haʼekuéra nomombaʼeguasúi pe mymba ñarõ ni pe haʼangápe ha ndorresivíri pe márka isyváre ni ipóre. Haʼekuéra oikove jey ha ogoverna Cristo* ndive mil áñore.  (Umi ótro omanóva oikove jey og̃uahẽ rire huʼãme umi mil áño.) Koʼãva hína umi tenondete oikove jeýva.  Ovyʼa ha imarangatu umi tenondete oikove jeýva. Koʼãvare ndaipuʼakái pe ñemano mokõiha*, síno oikóta chuguikuéra Ñandejára ha Cristo saserdóte*, ha ogovernáta hendive mil áñore.  Péro oñemohuʼãvo umi mil áño, ojepoíta Satanásgui pe oĩhágui préso,  ha osẽta ombotavy hag̃ua umi tetãnguéra oĩvape umi cuatro eskína yvy ariguápe, Gog ha Magógpe, ha ombyatýta chupekuéra ñorairõrã. Koʼãva hetaiterei, yvykuʼi marpeguáicha.  Haʼekuéra isarambipa ko yvy ape ári ha omongora umi imarangatúva kampaménto ha pe siuda ojehayhúva. Péro oguejy tata yvágagui ha ohapypaite chupekuéra. 10  Ha pe Aña* ombotavy vaʼekue chupekuéra, ojepoi pe lágo oĩháme tatarendy ha asúfre. Upépe oĩma kuri pe mymba ñarõ ha pe proféta japu, ha oñembohasa asýta chupekuéra ára ha pyhare opa ára g̃uarã. 11  Ahecha peteĩ tróno guasu morotĩva ha pe oguapývape hiʼári. Henondégui odipara pe yvy ha yvága, ha ndojetopavéi chupekuéra. 12  Ha ahecha umi omanóvape, tuicháva ha michĩva, oñemboʼyha pe tróno renondépe ha ojavri umi lívro. Péro ojavri ótro lívro, péva hína pe lívro jeikove rehegua. Ha ojeporu umi mbaʼe ojehaíva umi lívrope ojehusga hag̃ua umi omanóvape hembiapokuére. 13  Pe mar omeʼẽ umi omanóva oĩva ipype, ha pe ñemano ha pe Sepultúra* omeʼẽ umi omanóva oĩva ipypekuéra ha káda únope ojehusga hembiapokuére. 14  Pe ñemano ha pe Sepultúra* ojepoi pe lágo oĩháme tatarendy. Péva orrepresenta pe ñemano mokõiha: pe lágo oĩháme tatarendy. 15  Avei entéro umi noĩriva pe lívro jeikove reheguápe ojepoi pe lágo oĩháme tatarendy.

Nóta

Ehecha “Yvykua Pypuku”, diksionário oĩva ko Bíbliape.
Térã: “peteĩ mbói ndetuichapa jepéva”.
Ehecha “Diablo”, diksionário oĩva ko Bíbliape.
Ehecha “Satanás”, diksionário oĩva ko Bíbliape.
Griégope heʼi: “umi ojejuka vaʼekue álma”. Ehecha “Álma”, Informasión Oĩvéva 7A-pe.
Ehecha “Cristo”, diksionário oĩva ko Bíbliape.
Upéva heʼise ñemano opa ára g̃uarã.
Ehecha “Saserdóte”, diksionário oĩva ko Bíbliape.
Térã: “Diablo”.
Griégope heʼi: “Hades”, ehecha Informasión Oĩvéva 8.
Griégope heʼi: “Hades”.